'டா டா சன்ஸ்' நிறுவனத்தை பங்கு சந்தையில் பட்டியலிடுவது மற்றும் அதன் தலைவர் என்.சந்திரசேகரனின் பதவி காலத்தை நீட்டிப்பது தொடர்பாக, 'டாடா டிரஸ்ட்ஸ்' உடனான கருத்து வேறுபாடு தீவிரமடைந்துள்ளதால், டாடா குழும பங்குகள் நேற்று கடும் சரிவை சந்தித்தன. இதனால், டாடா குழும நிறுவனங்களின் மொத்த சந்தை மதிப்பு கிட்டத்தட்ட 30,000 கோடி ரூபாய் அளவுக்கு வீழ்ச்சியடைந்தது. நேற்றைய வர்த்தக முடிவில், டாடா கெமிக்கல்ஸ் பங்கு அதிகபட்சமாக 11.04 சதவீதம் சரிந்தது. அதேநேரம், 'டாடா கேபிட்டல், டாடா பவர், டாடா மோட்டார்ஸ்' ஆகிய பங்குகள் சரிவில் இருந்து சற்று மீண்டன.