இவற்றில், 'நிப்டி ஸ்மால்கேப் 250' குறியீடு குறைந்த பட்சமாக 1.39 சதவீத சரிவுடனும், 'நிப்டிமிட்கேப்50' குறியீடு அதிக பட்சமாக 2.57 சதவீத சரிவுடனும் முடிவடைந்தன. 21 துறை சார்ந்த குறியீடுகளும் இறக்கத்துடன் நிறைவடைந்தன.

இவற்றில், 'நிப்டி ரீட்ஸ் & ரியால்ட்டி' குறியீடு குறைந்த பட்சமாக 0.39 சதவீத இறக்கத்துடனும், 'நிப்டி மிட்ஸ்மால் பைனான்சியல் சர்வீசஸ்' குறியீடு அதிக பட்சமாக 4.37 சதவீத இறக்கத்துடனும் நிறைவடைந்தன. என்.எஸ்.இ.,யில் வர்த்தகம் நடந்த 3,629 நிறுவனங்களின் பங்குகளில் 942 ஏற்றத்துடனும்; 2,586 இறக்கத்துடனும்; 101 மாற்றம் ஏதும் இல்லாமலும் நிறைவடைந்திருந்தன.

நிப்டி மீண்டும் பியரிஷ் டெக்னிக்கல் அமைப்புக்குள் சென்றுவிட்டது. 14, 21, 50, 100 மற்றும் 200 நாள் சராசரிகளுக்கு (இ.எம்.ஏ.,) கீழே நிறைவடைந்துள்ளது. எம்.ஏ.சி.டி., (-229.76) சிக்னல் லைனுக்கு (-211.54) கீழே உள்ளது. ஆர்.எஸ்.ஐ., (30.97) சற்று ஓவர் சோல்டு நிலைக்கு அருகே சென்றுள்ளது.

ஆர்.ஓ.சி., (-3.01) நெகட்டிவ் மொமென்டம் இருப்பதை காட்டுகிறது. பாஸ்ட் ஸ்டோக்கஸ்ட்டிக் %கே 3.83-ல் இருப்பது குறுகிய கால அளவீட்டில் அதிக அளவில் ஓவர் சோல்டு என்பதை காட்டுகிறது. இதனால் சிறியதொரு டெக்னிக்கல் மீட்சி வர வாய்ப்புள்ளது.

ஆனாலும் இதை உறுதியென்று சொல்வதற்கான மற்ற விஷயங்கள் சாதகமாக இல்லை. 23,000-22,900 லெவல்களில் உடனடி சப்போர்ட் இருக்கிறது. இந்த அளவில் ஆதரவு கிடைத்தால், மீண்டும் 23,445-ஐ நோக்கிய மீட்சி நடக்கக்கூடும்.

நிப்டி 22,900-த்திற்கு கீழே சென்றால் 22,500-22,600 வரை செல்வதற்கான சாத்தியக்கூறுகள் டெக்னிக்கலாக இருக்கவே செய்கிறது.