இவற்றில், 'நிப்டி ஸ்மால்கேப்100' குறியீடு அதிகபட்சமாக 1.25 சதவீதமும், 'நிப்டி மிட்கேப்100' குறியீடு குறைந்தபட்சமாக 0.48 சதவீதமும் ஏற்றத்துடன் முடிந்தன. 21 துறை சார்ந்த குறியீடுகளில் 19 குறியீடுகள் உயர்வுடனும்; 2 குறியீடுகள் சரிவுடனும் காணப்பட்டன

இவற்றில் நிப்டி ஐ.டி., குறியீடு அதிகபட்சமாக 4.64 சதவீதம் உயர்ந்தும், 'நிப்டி பி.எஸ்.யு., பேங்க்' குறியீடு அதிகபட்சமாக 0.43 சதவீதம் சரிந்தும் நிறைவடைந்தன. வர்த்தகம் நடந்த 3,452 நிறுவனங்களின் பங்குகளில் 2,225 ஏற்றத்துடனும்; 1,145 இறக்கத்துடனும்; 82 மாற்றம் ஏதும் இல்லாமலும் முடிவடைந்திருந்தன.

வலுவான ரெசிஸ்டென்ஸ் உள்ள லெவலில் குறைவான புல்லிஷ்னெஸுடன் நிப்டி நிறைவடைந்துள்ளது. குறுகிய கால சராசரிகள் (இ.எம்.ஏ.,) மற்றும் இச்சிமோகு க்ளெடுக்கு மேலே நிறைவடைந்திருப்பது ஏற்றம் தொடர்வதற்கான வாய்ப்பு இருக்கிறது என்பதை காட்டுகிறது.

தற்போதைய நிலைமையில் நிப்டி வலுவான ரெசிஸ்டென்ஸான 24,422ஐ (200 நாள் இ.எம்.ஏ.,) நோக்கி சென்று கொண்டுள்ளது. மொமென்டம் இண்டிகேட்டர்கள் ஏற்றத்திற்கு ஆதரவாக இருக்கிற போதிலும் வலுவான ரெசிஸ்டென்ஸ் நிலையை உறுதியாக உடைக்கும் வலிமை (ப்ரேக் அவுட்) தற்போதைக்கு காணப்படவில்லை.

எனவே, ரெசிஸ்டென்ஸிற்கு அருகே கன்சாலிடேஷன் நடக்க வாய்ப்புள்ளது. தற்போதைய சூழலில் 24,225க்கு மேலே சென்றால் 24,450 வரையிலும், 24,175க்கு கீழே சென்றால் 23,900 வரையிலும் சென்று திரும்ப வாய்ப்புள்ளது. செய்திகளை பொறுத்தே இது நடைபெற வாய்ப்புள்ளது.