நேற்று 180 புள்ளிகள் இறக்கத்துடன் ஆரம்பித்த நிப்டி, வர்த்தகத்தின் இடையே அதைவிட இரு மடங்குக்கு மேலாக சரிந்தது. பின்னர், அதிலிருந்து சற்று மீண்டு, நாளின் இறுதியில் 180 புள்ளிகள் இறக்கத்துடன் நிறைவடைந்தது. 16 பரந்த சந்தை குறியீடுகளும் வீழ்ச்சியுடனே முடிவடைந்தன. இவற்றில், ' நிப்டி மைக்ரோகேப் 250' குறியீடு குறைந்தபட்சமாக 0.36 சதவீத சரிவுடனும், 'நிப்டி மிட்கேப் 100' குறியீடு அதிகபட்சமாக 0.98 சதவீத வீழ்ச்சியுடனும் நிறைவடைந்தன. 19 துறை சார்ந்த குறியீடுகளில் 3 குறியீடுகள் ஏற்றத்துடனும், 15 குறியீடுகள் இறக்கத்துடனும், ஒரு குறியீடு மாற்றம் ஏதுமின்றியும் நிறைவடைந்தன. இவற்றில், ' நிப்டி ஐ.டி., குறியீடு' அதிகபட்சமாக 0.37 சதவீத ஏற்றத்துடனும், 'நிப்டி மெட்டல் குறியீடு' அதிகபட்சமாக 2.12 சதவீத இறக்கத்துடனும் நிறைவடைந்தன.