நிப்டி 25,842.95 26,215.15 25,842.95 26,205.30

நிப்டி பேங்க் 58,783.05 59,554.95 58,783.05 59,528.05

நிப்டி

ஆரம்பத்தில் இருந்து ஏற்றத்திலேயே இருந்த நிப்டி, தொடர்ந்து உயர்ந்து, நாளின் இறுதியில் 320 புள்ளிகள் ஏற்றத்துடன் நிறைவடைந்தது. 16 பரந்த சந்தை குறியீடுகளில் அனைத்துமே ஏற்றத்துடன் நிறைவடைந்தன. இவற்றில் 'நிப்டி ஸ்மால்கேப்50' குறியீடு, அதிகபட்சமாக 1.58 சதவீத ஏற்றத்துடனும்; 'நிப்டி ஸ்மால் கேப்250' குறியீடு குறைந்தபட்சமாக 1.18 சதவீத ஏற்றத்துடனும் நிறைவடைந்தன. 19 துறை சார்ந்த சந்தை குறியீடுகளில், 19 குறியீடுகளும் ஏற்றத்துடன் நிறைவடைந்தன. இவற்றில் 'நிப்டி மெட்டல்' குறியீடு அதிகபட்சமாக 2.06 சதவிகித ஏற்றத்துடனும்; 'நிப்டி கெமிக்கல்ஸ்' குறியீடு குறைந்தபட்சமாக 0.64 சதவீத ஏற்றத்துடனும் நிறைவடைந்தன.

வர்த்தகம் நடந்த 3,190 பங்குகளில், 2,290 ஏற்றத்துடனும்; 807 இறக்கத்துடனும்; 93 மாற்றம் ஏதும் இன்றியும் நிறைவடைந்திருந்தன. திடீர் என பெரியதொரு ஏற்றம் வந்தபோதிலும், 'ஓவர் பாட்' என்ற நிலைமை, நிப்டியில் பெரிய அளவில் உருவாகாத காரணத்தினால், ஏற்றம் இன்னும் சற்று தொடர வாய்ப்புள்ளது. அப்படி நடக்கும்பட்சத்தில் 26,350 வரை சென்று திரும்பலாம். தற்போதைக்கு 26,080-க்கு கீழ் சென்றால் மட்டுமே இறக்கம் வர வாய்ப்புள்ளது.

ஆதரவு 25,950 25,700 25,560

தடுப்பு 26,320 26,450 26,600

நிப்டி பேங்க்

நிப்டி பேங்க் குறியீடும் ஆரம்பத்தில் இருந்தே தொடர் ஏற்றத்தில் வர்த்தகமாகி, நாளின் இறுதியில் 707 புள்ளிகள் ஏற்றத்துடன் நிறைவடைந்தது. இன்று அதிவேகமாக வந்த ஏற்றம் காரணமாக, சற்று 'ஓவர் பாட்' நிலைமைக்கு நிப்டி பேங்க் வந்துள்ளது. இதனால் சிறியதொரு இறக்கத்தை சந்திக்க வாய்ப்புள்ளது. 59,280 என்ற லெவலுக்கு கிழே சென்றால், 58,700 வரையிலும் சென்று திரும்புவதற்கான வாய்ப்பு இருக்கிறது.

ஆதரவு 59,010 58,500 58,200

தடுப்பு 59,780 60,050 60,350