இவற்றில், 'நிப்டி மைக்ரோகேப்250' குறியீடு அதிகபட்சமாக 0.72 சதவீத உயர்வுடனும், 'நிப்டி100' குறியீடு அதிகபட்சமாக 0.37 சதவீத சரிவுடனும் முடிந்தன. 21 துறை சார்ந்த குறியீடுகளில் 6 குறியீடுகள் ஏற்றத்துடனும்; 1 குறியீடு மாற்றம் ஏதுமின்றியும்; 14 குறியீடுகள் இறக்கத்துடனும் நிறைவடைந்தன.

இவற்றில், 'நிப்டி மெட்டல்' குறியீடு அதிகபட்சமாக 1.10 சதவீத ஏற்றத்துடனும், 'நிப்டி கன்ஸ்யூமர் டியூரபிள்ஸ்' குறியீடு அதிகபட்சமாக 1.05 சதவீத இறக்கத்துடனும் முடிவடைந்தன.

வர்த்தகம் நடந்த 3,425 நிறுவனங்களின் பங்குகளில் 1,652 ஏற்றத்துடனும்; 1,646 இறக்கத்துடனும்; 127 மாற்றம் ஏதும் இல்லாமலும் நிறைவடைந்திருந்தன. நாளின் இறுதியில் நிப்டி இறக்கத்தில் நிறைவடைந்த போதிலும் மொமெண்டம் இண்டிக்கேட்டர்களான எம்.ஏ.சி.டி., மற்றும் ஆர்.எஸ்.ஐ., சிறியதொரு ஏற்றம் வருவதற்கு சற்று வாய்ப்புள்ள தோற்றத்தையே காட்டுகின்றன.

ஸ்டோக்காஸ்ட்டிக் சற்று ஓவர் பாட்டாக மாறியுள்ளது என்பது மட்டும்தான் ஏற்றம் தொடர்வதற்கான வாய்ப்பு குறைவு என்பதற்கான எச்சரிக்கை சமிக்ஞையாக உள்ளது. தற்போதைய சூழலில் 24,000 - 24,050ல் வலுவானதொரு ரெசிஸ்டென்ஸ் உள்ளது. இதனைத் தாண்டினால் 24,180 வரை நிப்டி செல்ல வாய்ப்புள்ளது.

இறக்கம் தொடர்ந்தால் 23,825ல் சப்போர்ட் கிடைக்க வாய்ப்புள்ளது. இதையும் தாண்டினால் 23,680-ல் மட்டுமே நல்லதொரு சப்போர்ட் இருக்கிறது. தற்போதைய டெக்னிக்கல் சூழல்கள் நிப்டி பெரிய மாறுதல் இல்லாமல் இருக்கவோ அல்லது சிறிதளவு ஏற்றம் காண்பதற்கோ ஆதரவாகத்தான் இருக்கிறது.

ஆதரவு 23,835 23,760 23,675

தடுப்பு 24,050 24,175 24,250