நடப்பாண்டின் தொடக்கத்தில், தங்கம் மற்றும் வெள்ளி விலையில் அதீத ஏற்ற இறக்கங்கள் காணப்பட்டன.

இதனால் சந்தையில் ஏற்படும் அதிகப்படியான அபாயத்தை கட்டுப்படுத்த, கடந்த பிப்., 4ம் தேதி முதல் தங்கம் வர்த்தகத்துக்கு 3 சதவீதம் மற்றும் வெள்ளி வர்த்தகத்துக்கு 7 சதவீதம் கூடுதல் மார்ஜின் கட்டணத்தை பங்குச் சந்தைகள் விதித்தன.

இந்நிலையில், கடந்த சில நாட்களாக தங்கம் மற்றும் வெள்ளி விலையில் நிலவி வந்த பதற்றம் தணிந்து, விலை 15 சதவீதம் வரை குறைந்துள்ளது.

சந்தை இயல்பு நிலைக்கு திரும்பியுள்ளதால், முன்பு விதிக்கப்பட்ட கூடுதல் கட்டுப்பாடுகளை நீக்கியுள்ளதாக நேற்று அறிவிக்கப்பட்டுள்ளது.

சர்வதேச அளவில் சி.எம்.இ., போன்ற சந்தைகளிலும் மார்ஜின் தொகை மாற்றப்பட்டு வருவதையடுத்து, இந்தியாவிலும் இந்த நடவடிக்கையை சந்தைகள் எடுத்துள்ளன.