கைகொடுத்த ரிலையன்ஸ்

 ரிலையன்ஸ் இண்டஸ்ட்ரீஸ், எச்.டி.எப்.சி., பேங்க் ஆகிய நிறுவனங்களின் பங்குகள் அதிகளவில் வாங்கப்பட்டதை அடுத்து, நேற்று சென்செக்ஸ், நிப்டி குறியீடுகள் உயர்வைக் கண்டன
 நேற்றைய வர்த்தகத்தில், சென்செக்ஸ் குறியீடு 0.73 சதவீதமும்; நிப்டி 0.54 சதவீதமும் உயர்ந்தன சென்செக்ஸ் பிரிவில் ரிலையன்ஸ் இண்டஸ்ட்ரீஸ், கிட்டத்தட்ட 3.50 சதவீதம் அளவுக்கு விலை உயர்ந்தது. சென்செக்ஸ் ஏற்றம் காண, இந்நிறுவன பங்குகள் நேற்று மிகவும் உறுதுணையாக இருந்தன
 ஆசிய சந்தைகளில் சியோல், ஷாங்காய், ஹாங்காங் ஆகிய சந்தைகள் சரிவைக் கண்டன. டோக்கியோ உயர்ந்தது.
 ஐரோப்பிய சந்தைகள் கலவையான முடிவை தந்தன. செவ்வாயன்று, அமெரிக்க சந்தைகள் சரிவை சந்தித்தன
 உலகளாவிய பிரென்ட் கச்சா எண்ணெய் விலை 0.96 சதவீதம் சரிந்து, ஒரு பேரலுக்கு 85.42 அமெரிக்க டாலராக இருந்தது
 அமெரிக்க டாலருக்கு எதிரான இந்திய ரூபாயின் மதிப்பு 7 பைசா குறைந்து, 83.36 ரூபாயாக இருந்தது