ஜூன் 25 அன்று நடந்த வர்த்தகத்தில், இந்நிறுவனம் 41.78 லட்சம் பங்குகளை (1.28 சதவீத பங்குகள்) ஒரு பங்கு 424.07 ரூபாய் வீதம் மொத்தம் 177.19 கோடி ரூபாய்க்கு விற்பனை செய்துள்ளது. வருண் அலக் மற்றும் கஜல் அலக் தொடங்கிய இந்நிறுவனத்தில், மார்ச் 2026 நிலவரப்படி 3.29 சதவீத பங்குகளை வைத்திருந்த சோபினா வெஞ்சர்ஸின் பங்கு இருப்பு, தற்போது 2 சதவீதமாக குறைந்துள்ளது.

அதேபோல், 'மேதாந்தா' மருத்துவமனைகளை நடத்தும் 'குளோபல் ஹெல்த்' நிறுவன பங்குகளை, 'ஹெச்.டி.எப்.சி., மியூச்சுவல் பண்டு' நிறுவனம் வாங்கியுள்ளது. ஜூன் 24 அன்று நடைபெற்ற 'பிளாக் டீல்' வாயிலாக, அதன் இணை நிறுவனரான சுனில் சச்தேவாவிடமிருந்து 10 லட்சம் பங்குகளை (0.37 சதவீத பங்குகள்) ஹெச்.டி.எப்.சி., வாங்கியுள்ளது. ஒரு பங்கு 1,300 ரூபாய் வீதம் இந்த வர்த்தகத்தின் மதிப்பு 130 கோடி ரூபாயாகும்.

நடப்பு ஜூன் காலாண்டில், இவ்விரு தரப்புக்கும் இடையே நடக்கும் இரண்டாவது பெரிய வர்த்தகம் இதுவாகும். இதற்குமுன், கடந்த மே 25 அன்று, ஒரு பங்கு 1,225 ரூபாய் வீதம் 122.5 கோடி ரூபாய்க்கு 10 லட்சம் பங்குகளை ஹெச்.டி.எப்.சி., வாங்கியிருந்தது குறிப்பிடத்தக்கது. இந்த இரு வர்த்தகங்களுக்கு பின், இணை நிறுவனர் சுனில் சச்தேவாவின் பங்கு இருப்பு 10.79 சதவீதத்திலிருந்து 10 சதவீதமாக குறைந்துள்ளது.