டிஜிட்டல்மயமாக்கல், கார்பன் மாசுபாடு குறைப்பு மற்றும் வலுவான வர்த்தக தொடரை இரு நாடுகளுக்கும் இடையே ஏற்படுத்த, இந்த ஒப்பந்தம் உதவுகிறது.

ஆப்ரிக்க கண்டம், பட்ஜெட் கார்களின் முக்கிய ஏற்றுமதி மையமாக பார்க்கப்படுகிறது. இந்தியா, உலகின் வேகமாக வளர்ந்து வரும் கார் உற்பத்தி மையமாக உருவெடுத்துள்ளது. இந்த ஒப்பந்தத்தின் வாயிலாக, பசுமையான முறையில் செலவுகளை குறைத்து, எந்த தாமதமுமின்றி கார் ஏற்றுமதி செய்ய முடியும்.

அதாவது, கார்பன் மாசுபாட்டை குறைக்க 'மிட்ஷு' நிறுவனத்தின் பசுமை கடல் போக்குவரத்து தீர்வுகள் உதவும். வர்த்தக ஆவணங்களை எளிதாக்கி தாமதங்களை குறைக்க, 'ட்ரேட்வால்ட்ஸ்' நிறுவனத்தின் வர்த்தக தளம் பங்காற்றும். சுசூகி கார்களின் ஏற்றுமதியை விரிவுபடுத்த இந்த ஒப்பந்தம் உதவி புரிகிறது.