இவற்றில், 'நிப்டிமைக்ரோகேப் 250' குறியீடு அதிக பட்சமாக 0.38 சதவீத உயர்வுடனும், 'நிப்டி100' குறியீடு அதிக பட்சமாக 0.49 சதவீத சரிவுடனும் முடிவடைந்தன. 'நிப்டி ஸ்மால்கேப்100' குறியீடு மட்டும் மாற்றம் ஏதுமில்லாமல் நிறைவடைந்தது. 21 துறை சார்ந்த குறியீடுகளில் 8 குறியீடுகள் ஏற்றத்துடனும்; 13 குறியீடுகள் இறக்கத்துடனும் நிறைவடைந்தன.

இவற்றில், 'நிப்டி மிட்ஸ்மால் ஹெல்த்கேர்' குறியீடு அதிக பட்சமாக 0.41 சதவீத ஏற்றத்துடனும், நிப்டி ஐ.டி., குறியீடு அதிக பட்சமாக 1.93 சதவீத இறக்கத்துடனும் முடிவடைந்தன. என்.எஸ்.இ.,யில் வர்த்தகம் நடந்த 3,582 நிறுவனங்களின் பங்குகளில் 1,555 ஏற்றத்துடனும்; 1,924 இறக்கத்துடனும்; 103 மாற்றம் ஏதும் இல்லாமலும் நிறைவடைந்திருந்தன. முக்கிய பல சராசரிகளுக்கு (இ.எம்.ஏ.,) கீழே நிப்டி நிறைவடைந்திருப்பதால் நிப்டியில் பலகீனம் வெளிப்படையாக தெரிய ஆரம்பித்துள்ளது.

எம்.ஏ.சி.டி., அதன் சிக்னல் கோட்டிற்கு கீழே இருப்பதும், ஆர்.எஸ்.ஐ., 44.67 என்ற அளவில் இருப்பதும் மொமென்டம் வலுவிழந்திருப்பதை காட்டுகிறது. ஸ்டோக்காஸ்ட்டிக் 15.18 என்ற அளவில் இருப்பது ஓவர் சோல்டு நிலைமைக்குள் நிப்டி சென்றுள்ளதை உணர்த்துகிறது.

இதனால் 24,190 வரையிலான சிறியதொரு ஏற்றம் வந்துபோக வாய்ப்புள்ளது எனலாம். இறக்கம் வந்தால் தற்போதைய டெக்னிக்கல் சூழலில் 24,020 என்ற அளவு வரை நிப்டி செல்ல வாய்ப்புள்ளது.

டெக்னிக்கல் சூழல் ஏற்றத்துக்கு சாதகமாக மாற 24,270 என்ற அளவினைத் தாண்டி நிப்டி ஏற்றம் காண வேண்டும். மொத்தத்தில் பலவீனத்துடன் கூடிய இறக்கத்திற்கான வாய்ப்பே தற்போதைக்கு நிப்டியில் தென்படுகிறது.