பெங்களூரு ஹலசூரு செயின்ட் ஜான்ஸ் சாலையில், சின்மயா வித்யாலயா பள்ளி இயங்கி வருகிறது. இந்த பள்ளியில், இம்முறை எஸ்.எஸ்.எல்.சி., தேர்வு எழுதிய 64 மாணவ - மாணவியரும் தேர்ச்சி பெற்றனர்.

இதில், 'ஏ பிளஸ்' - 9 பேர் ; 'ஏ' - 16 பேர்; 'பி பிளஸ்' - 17 பேர்; பி - 12 பேர்; சி பிளஸ் - 9 பேர்; சி 1 தர வரிசையில் மதிப்பெண் பெற்றுள்ளனர்.

மேலும், மாணவர் தனுஷ் 614 மதிப்பெண்ணுடன் 98.24 சதவீதம் பெற்று, பள்ளி அளவில் முதலிடத்தையும்; மாணவர் தர்ஷன் 594 மதிப்பெண்ணுடன் 95.04 சதவீதம் பெற்று, இரண்டாம் இடத்தையும்; மாணவி அபூர்வா 593 மதிப்பெண்ணுடன், 94.8 சதவீதம் பெற்று, மூன்றாம் இடத்தையும் பிடித்துள்ளனர்.

அனைத்து மாணவர்களையும், பள்ளி முதல்வர் தேவிகா குமாரி, அடுத்த முதல்வர் நீரஜா சீனிவாசன் உட்பட ஆசிரியர்கள், நிர்வாகிகள் பாராட்டினர்.