மத்திய அரசுக்கு கர்நாடகாவுக்கு எதுவும் தராமல், வெறும் சொம்பு கொடுத்து உள்ளது என்று, நேற்று முன்தினம் காங்கிரஸ் விமர்சித்தது. இதற்கு பா.ஜ.,வும் பதிலடி கொடுத்து இருந்தது.

இந்நிலையில் பிரதமர் நரேந்திர மோடி தேர்தல் பிரசாரத்திற்காக, நேற்று கர்நாடகா வந்தார். அவரது வருகைக்கு எதிர்ப்பு தெரிவித்து, சொம்பு வைத்து போராட்டம் நடத்த, காங்கிரசார் முடிவு செய்தனர்.

அதன்படி பெங்களூரு மேக்ரி சதுக்கம், மைசூரு வங்கி சதுக்கம் உட்பட, சில பகுதிகளிலும், மாவட்ட தலைநகரங்களிலும், காங்கிரசார் சொம்பு வைத்து போராட்டம் நடத்தினர். மத்திய அரசுக்கு எதிராக கோஷம் எழுப்பப்பட்டது.

சிக்கமகளூரு மூடிகெரேயில், காங்கிரஸ் எம்.எல்.ஏ., நயனா மோட்டம்மா, தலையில் சொம்பு வைத்து பிரசாரம் செய்து, கவனத்தை ஈர்த்தார்.