ஏழு கட்டங்களாக தேர்தல் நடைபெறவுள்ள லோக்சபாவிற்கு முதல் இரண்டு கட்ட தேர்தல் நடந்து முடிந்துள்ளன.

இந்நிலையில் கடந்த சில நாட்களுக்கு முன் மத்திய உள்துறை அமைச்சர் அமித்ஷா , காங். எம்.பி.,ராகுல் , பாலிவுட் நடிகர்கள் ஆமீர்கான், ரன்பீர் கபூர் உள்ளிட்டோரின் டீப் பேக் வீடியோக்கள் மூலம் தவறான தகவல்கள் பரப்பப்பட்டு வருவது தேர்தல் கமிஷனின் கவனத்திற்கு வந்துள்ளது.

இதையடுத்து தேர்தல் கமிஷன் கூறியது, சமூக வலைதளங்களில் கணக்கு வைத்துள்ள அரசியல் கட்சிகள் தேர்தல் பிரசாரத்திற்காக டீப் பேக் வீடியோக்களை பதவேற்றுகின்றனர். இது தேர்தல் நன்னடத்தை விதிகளை மீறிய செயல். எனவே டீப் பேக் வீடியோக்கள், அது தொடர்பான தொகுப்புகள் தேர்தல் கமிஷனின் கவனத்திற்கு வந்தால், அதனை மூன்று மணி நேரத்திற்குள் நீக்க வேண்டும். மீறினால் நடவடிக்கை பாயும். இவ்வாறு அதில் தேர்தல் கமிஷன் கூறியுள்ளது.