மக்களுக்காக போராடுவேன்! தேர்தல் முடிவின்போது, பா.ஜ.,வினர் எனக்கு மரணம் நிகழ வேண்டும் என விரும்பினர். ஆனால், அவர்களின் வீழ்ச்சியை பார்க்கும் வரை நான் உயிருடன் இருப்பேன். யார் வேண்டுமானாலும் கட்சியில் இருந்து வெளியேறலாம்; எஞ்சியிருப்போரே என் உண்மையான சொத்து. சாமானிய மக்களுக்காக தொடர்ந்து போராடுவேன். மம்தா பானர்ஜி தலைவர், திரிணமுல் காங்., கட்சி

மறுபரிசீலிப்போம்! பார்லி., கூட்டத்தொடரில் தொகுதி மறுவரையறை மசோதாவை, எதிர்க்கட்சியினர் எதிர்ப்பர். ஆனால், எங்கள் பரிந்துரைகளை ஏற்று திருத்தங்களை செய்தால், ‘இண்டி’ கூட்டணி ஒன்றுகூடி ஆலோசித்து எங்களின் முடிவை மறுபரிசீலனை செய்வோம். ஆனால், அவர்கள் கொண்டு வருவார்களா என்பது இதுவரை உறுதியாக தெரியவில்லை. சஞ்சய் ராவத் ராஜ்யசபா எம்.பி., சிவசேனா உத்தவ் பிரிவு