செபி தலைவர் மாதவி புரி புச், ஐ.சி.ஐ.சி.ஐ., வங்கி பணியில் இருந்து ஓய்வு பெற்ற பின், அவருக்கு ஊதியமோ, சலுகைகளோ வழங்கப்படவில்லை என, அவ்வங்கி விளக்கம் அளித்துள்ளது. 2013 அக்டோபர் 31ம் தேதியோடு, மாதவி, தங்கள் வங்கி பணியில் இருந்து ஓய்வு பெற்று விட்டதாகவும், அதன் பின் வங்கியின் விதிகளின்படி ஓய்வூதிய பலன்கள் மட்டுமே அவருக்கு வழங்கப்பட்டதாகவும் ஐ.சி.ஐ.சி.ஐ., வங்கி வெளியிட்ட செய்திக் குறிப்பில் கூறப்பட்டுள்ளது.