 கர்ப்பிணியருக்கு ஏற்படும் ஊட்டச்சத்து குறைபாட்டை தடுக்க திட்டம்; பின்தங்கிய மாவட்டங்களில் உள்ளவர்களுக்கு 'வாத்சல்யா உபகரணங்கள்' வழங்கல்

 தாலுகா மருத்துவமனைகளில் உள்ள பணியிடங்களின் மறுசீரமைப்பு மூலம் எம்.சி.ஹெச்., நிபுணர்கள் நியமனம்

 அதானி, ஹூன்குந்த், முதோல் ஆகிய பகுதிகளில் 50 படுக்கைகளுடன் கூடிய தாய், சேய் மருத்துவமனை கட்ட ஒப்புதல்.

 மாவட்ட மருத்துவமனைகளில், மன நலம் பாதிக்கப்பட்டோருக்கு சிகிச்சை அளிப்பதற்கு, அரசு சாரா நிறுவனங்களுடன் இணைந்து நல்வாழ்வு மையங்கள்

 நரம்பியல் நோயாளிகளின் சிகிச்சைக்கு 20 கோடி ரூபாய்

 பெங்களூரு வடக்கு தாலுகாவில் 200 படுக்கைகளுடன் கூடிய மருத்துவமனை அமைக்க 150 கோடி ரூபாய் ஒதுக்கீடு

 ஹனுார், அலனாவர், அன்னிகேரி, மாஸ்கி, சிரிவார், காபு, பாபலேஸ்வர், கோல்ஹார், செல்லுாரு, தெர்தல் ஆகிய தாலுகாக்களின் ஆரம்ப சுகாதார நிலையங்கள், சமூக சுகாதார மையங்களாக மேம்படுத்தப்படும். பொன்னம்பேட்டையில் புதிதாக நகர சுகாதார மையம் நிறுவப்படும்

 மாலுார், மாகடி, குஷால்நகர், கொரடகெரே, ஜகலுார், சாவனுார், ராமதுர்கா, சவதத்தியில் உள்ள தாலுகா மருத்துவமனைகள்; தாவணகெரே மாவட்ட மருத்துவமனை; மங்களூரு வென்லாக் மருத்துவமனை ஆகியவை 650 கோடி ரூபாயில் புதுப்பிக்கப்படும்

 புத்துாரில் புதிய மருத்துவ கல்லுாரி உருவாக்க, 100 படுக்கை கொண்ட தாலுகா மருத்துவமனை அந்தஸ்து உயர்த்தப்படும்

 குடகின் விராஜ்பேட்டையில் 400 படுக்கைகள்; சித்ரதுர்காவின் மொலகால்மூருவில் 200 படுக்கைகள் கொண்ட மருத்துவமனை அமைக்கப்படும். மைசூரின் தகதுார் நகர சுகாதார மையம் 100 படுக்கைகள் கொண்டதாக மேம்படுத்தப்படும்

 மோசமான நிலையில் உள்ள மருத்துவமனை, தாலுகா மருத்துவமனைகள் 183 கோடி ரூபாயில் புதுப்பிக்கப்படும்

 கல்யாண கர்நாடகா விரிவான சுகாதார திட்டத்தின் கீழ் பீதர், கலபுரகி, யாத்கிர், ராய்ச்சூர், கொப்பால், பல்லாரி, விஜயநகர் ஆகிய மாவட்டங்களில் சுகாதார அமைப்புகளை மேம்படுத்துவதற்கு 873 கோடி ரூபாய் செலவில் பல திட்டங்கள் தீட்டப்படும்

 பல அரசு துறைகளில், கவுரவ ஊதிய அடிப்படையில் பணிபுரியும் 3 லட்சம் ஊழியர்கள், அவர்களை சார்ந்தவர்களுக்கு சுவர்ண ஆரோக்யா சுரக் ஷா அறக்கட்டளை மூலம், 5 லட்சம் ரூபாய் வரையில் இலவச சிகிச்சை வழங்கப்படும்

 கருவில் இருக்கும் குழந்தைகளுக்கு ஏற்படும் நோய்களை கண்டறிவதற்கு 10 கோடி ரூபாய் ஒதுக்கீடு

 கல்யாண கர்நாடகாவில், சுரங்கத்தால் பாதிக்கப்பட்ட பெண்கள், கர்ப்பப்பை புற்றுநோயை தடுக்க 9 கோடி ரூபாயில் ஹெச்.பி.வி., தடுப்பூசி திட்டம்

 கோலாரில் செயல்படுத்தப்பட்டு உள்ள கிருஹ ஆரோக்கிய திட்டம், 100 கோடி ரூபாய் செலவில் மாநிலம் முழுதும் விஸ்தரிக்கப்படும்

 மலைப்பகுதிகளில் பரவும் சிக்கன்குனியா, குரங்கு காய்ச்சல் போன்ற நோய்களை கட்டுப்படுத்த 50 கோடி ரூபாயில் சிறப்பு திட்டம்

 குழந்தைகளின் கேட்கும் திறனை கண்டறிந்து சிகிச்சை அளிக்க 12 கோடி ரூபாய் ஒதுக்கீடு

 காசநோயால் பாதிக்கப்பட்டோர் சிகிச்சை பெறும் சுகாதார மையங்களுக்கு 100 சிறப்பு கருவிகள்

 இதுவரை 9,500 ரூபாய் கவுரவ ஊதியம் பெறும் ஆஷா பணியாளர்களுக்காக கூடுதலாக 1,000 ரூபாய் வழங்கப்படும்

 ஹோட்டல் உணவுகளின் தரத்தை ஆய்வு செய்வதற்கு நடமாடும் பரிசோதனை மையம்; சோதனையில் பாதுகாப்பற்ற உணவுகள் கண்டுபிடிக்கப்பட்டால், உரிய நடவடிக்கை

 பொது சுகாதார மையங்களுக்கு தகுதியான மருந்துகள் வழங்குவதை கே.எஸ்.எம்.எஸ்.சி.எல்., உறுதி செய்ய புதிய மென்பொருள் அறிமுகம்

 நாட்டில் முதன் முறையாக, பெண்களுக்கு ஏற்படும் தீக்காயங்களை தடுப்பதற்கும், சிகிச்சை அளிப்பதற்கும் புதிய திட்டம்

 ஊழியர்கள் வருகை பதிவேட்டை கண்காணிக்க புதிய செயலி அறிமுகம்

 அனைத்து தாலுகா மருத்துவமனைகளின் நிர்வாகமும் மாவட்ட அறுவை சிகிச்சை நிபுணரின் அதிகார வரம்பிற்குள் கொண்டு வரப்படும்

 சுகாதார துறையில் உள்ள காலியிடங்கள் விரைவில் நிரப்பப்படும்.