மைசூரு மாவட்டத்தில், எஸ்.எஸ்.எல்.சி., 2ம் ஆண்டு பி.யு.சி., பொதுத்தேர்வில் அதிக மதிப்பெண் பெற்ற தமிழ் குடும்பத்தை சேர்ந்த மாணவ - மாணவியருக்கு, மைசூரு தமிழ் சங்கம் சார்பில், கடந்தாண்டு பாராட்டு விழா நடத்தப்பட்டது.

இரண்டாம் ஆண்டாக, பாராட்டு விழா இன்று நடத்தப்படுகிறது. மைசூரு நகரின் விஸ்வேஸ்வரா நகர், தொழில்பேட்டை, 2வது ஸ்டேஜில் இன்று காலை 11:00 மணிக்கு விழா நடக்கிறது. விழாவில், கர்நாடக புலிகள் திட்டப்பணி வன பாதுகாவலர் ரமேஷ்குமார், பழநி புலிப்பாணி ஆசிரமத்தின் சிவானந்த புலிப்பாணி பாத்திர சுவாமிகள், மைசூரு புனித பிலோமினா கல்லுாரி தமிழ்த்துறை இணை பேராசிரியர் சீதா ஆகியோர் சிறப்பு விருந்தினர்களாக பங்கேற்கின்றனர்.

மாணவ - மாணவியர் என மொத்தம் 43 பேருக்கு பரிசு, சான்றிதழ்கள் வழங்கப்பட உள்ளன.

விழாவில் பங்கேற்கும் அனைவருக்கும் மைசூரு தமிழ் சங்கம் சார்பில், சைவம் - அசைவ உணவுக்கும் ஏற்பாடு செய்யப்பட்டுள்ளது.

அனைத்து தமிழ் சங்க உறுப்பினர்களும் பங்கேற்குமாறு சங்க தலைவர் பிரான்சிஸ், செயலர் ரகுபதி கேட்டு கொண்டுள்ளனர்.