கர்நாடக மேலவை கேள்வி நேரத்தில், பா.ஜ., உறுப்பினர் ரவியின் கேள்விக்கு பதிலளித்து, அமைச்சர் ராஜண்ணா கூறியதாவது:

விவசாயிகள் டெபாசிட் வைத்துள்ள பணத்தால் தான், கூட்டுறவு வங்கிகள் செயல்படுகின்றன. இச்சூழ்நிலையில், கூட்டுறவு வங்கிகளில் விவசாயிகள் பெற்ற பயிர்க்கடனை ரத்து செய்ய முடியாது. கடனை ரத்து செய்வதாக, பட்ஜெட்டிலும் அறிவிக்கவில்லை.

இது பற்றி அரசு ஆலோசிக்கவில்லை. 2024 - 25ல், 35.10 லட்சம் விவசாயிகளுக்கு, 25,000 கோடி ரூபாய் குறுகிய கால கடன் வழங்கப்பட்டது.

நடுத்தர மற்றும் நீண்ட கால கடன் திட்டத்தின் கீழ், 90,000 கோடி ரூபாய் கடன் வழங்க, இலக்குநிர்ணயித்துள்ளோம்.

இவ்வாறு அவர் கூறினார்.