தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
பயங்கரவாதிக்கு இதுதான் பெயரா; சர்ச்சையை கிளப்பிய வெப் தொடர்; நெட்பிளிக்ஸூக்கு மத்திய அரசு சம்மன்!
பயங்கரவாதிக்கு இதுதான் பெயரா; சர்ச்சையை கிளப்பிய வெப் தொடர்; நெட்பிளிக்ஸூக்கு மத்திய அரசு சம்மன்!
UPDATED : செப் 02, 2024 01:26 PM
ADDED : செப் 02, 2024 01:11 PM
டில்லி: சர்ச்சையை கிளப்பிய IC 814 எனும் வெப் தொடர் குறித்து விளக்கமளிக்கக் கோரி நெட்பிளிக்ஸின் இந்திய தலைமை நிர்வாகிக்கு மத்திய அரசு சம்மன் அனுப்பியுள்ளது.
உண்மை சம்பவம்
கடந்த 1999ம் ஆண்டு நேபாள தலைநகர் காத்மண்டுவில் இருந்து டில்லிக்கு புறப்பட்ட இந்தியன் ஏர்லைன்ஸ் விமானத்தை பாகிஸ்தான் ஆதரவு பயங்கரவாதிகள், ஆப்கானிஸ்தானின் காந்தகார் விமான நிலையத்திற்கு கடத்திச் சென்றனர். அங்கு விமானப் பயணிகளை பிணைக் கைதிகளாக வைத்துக் கொண்டு, இந்திய சிறையில் உள்ள மசூத் அசார் உள்ளிட்ட 3 பயங்கரவாதிகளை விடுவிக்க வேண்டும் என்று நிபந்தனை வைத்தனர். அதன்பேரில், 3 பயங்கரவாதிகளும் ஒப்படைக்கப்பட்ட பிறகு, விமானப் பயணிகளை விடுத்தனர்.
வெப் சீரியஸ்
இந்த சம்பவத்தின் உண்மைக் கதையை அடிப்படையாகக் கொண்டு, IC 814 எனும் வெப் தொடர் உருவாக்கப்பட்டுள்ளது. அதில், விஜய் வமர்மா, நஸ்ருதின் ஷா, பங்கஜ் கபூர், அரவிந்த் சாமி, அனுபம் திரிபாதி, தியா மிர்ஸா உள்ளிட்ட பிரபலங்கள் நடித்துள்ளனர்.
சர்ச்சை
இந்தப் படத்தில் இடம்பெற்றுள்ள கதாபாத்திரங்களுக்கு ஹிந்துக்களின் பெயர் வைக்கப்பட்டிருப்பது தற்போது சர்ச்சையை ஏற்படுத்தியள்ளது. பாகிஸ்தானைச் சேர்ந்த பயங்கரவாதி அமைப்பு கடத்தல் சம்பவத்தில் ஈடுபட்டிருந்த நிலையில், ஹிந்து பெயரை எப்படி வைக்கலாம் என்று சமூகவலைதளங்களில் நெட்டிசன்கள் கேள்வி எழுப்பி வருகின்றனர். மேலும், IC 814 படத்திற்கு எதிராகவும், நெட்பிளிக்ஸுக்கு எதிராகவும் கருத்துக்களை பதிவிட்டு வருகின்றனர்.
சம்மன்
இந்த நிலையில், இது தொடர்பாக செப்.,3ம் தேதிக்குள் ஆஜராகி விளக்கம் அளிக்குமாறு நெட்பிளிக்ஸின் இந்திய உள்ளடக்க தலைவர் மோனிகா ஜெர்கில்லுக்கு மத்திய தகவல் மற்றும் ஒளிபரப்புத்துறை நோட்டீஸ் அனுப்பியுள்ளது.