அயோத்தி ராமர் கோவில் கும்பாபிஷேக நிகழ்வை நேற்று முன்னின்று நிறைவேற்றிய பிரதமர் நரேந்திர மோடி, ''புதிய சகாப்தம் துவங்கியது,'' என பெரும் ஆரவாரத்துக்கு நடுவே பிரகடனம் செய்தார்.விமரிசையாக நடந்தேறிய பால ராமர் பிராண பிரதிஷ்டை செய்தார்.

தொடர்ந்து இன்று (23-ம் தேதி) முதல் பொதுமக்கள் தரிசனத்திற்காக அனுமதிக்கப்பட்டனர்.

இதையடுத்து இன்று (23-ம் தேதி) 2.5 லட்சம் முதல் 3 லட்சம் பக்தர்கள் ராமரை தரிசித்ததாக பாதுகாப்பு ஏற்பாடுகள் குறித்து கண்காணித்து வரும் உ.பி. மாநில காவல்துறை(சட்டம்,ஒழுங்கு ) டி.ஜி.பி., தலைமை செயலர் ஆகியோர் கூட்டாக வெளியிட்டுள்ள அறிக்கையில் தெரிவித்துள்ளனர்.