வங்கதேசத்தில் இருந்து சட்டவிரோதமாக இந்தியாவுக்கு வருவோர், மேற்கு வங்க மாநிலத்தில் பாதுகாப்பு இல்லாத எல்லைப் பகுதிகளை பயன்படுத்திக் கொள்கின்றனர். தங்களை இந்திய பிரஜையாக மாற்றிக் கொள்ள, ஏஜன்டுகளை பிடித்து போலியான ஆவணங்கள் மூலம் ஆதார் கார்டு உள்ளிட்ட ஏதாவது ஒன்றை பெறுகின்றனர்.

கோல்கட்டாவில் இருந்து ரயில் மூலம் தென் மாநிலங்களுக்கு வருகின்றனர். தொழில் வாய்ப்புகள் மிகுந்த சென்னை, பெங்களூரு, கோவை, திருப்பூர் மற்றும் கேரள நகரங்களுக்கு சென்று செட்டில் ஆகி விடுகின்றனர். இப்படி சட்டவிரோதமாக தங்கி இருப்பவர்களை கைது செய்யும் பணி திருப்பூரில் தற்போது முழுவீச்சில் நடந்து வருகிறது.

தற்போது அதேநிலை கேரளாவிலும் நீடிக்கிறது. கேரளா, கொச்சியில் சட்டவிரோதமாக தங்கி இருந்த வங்கதேசத்தை சேர்ந்த 27 பேர் கைது செய்யப்பட்டுள்ளனர். இந்த மாதத்தில் மட்டும் வங்கதேசத்தைச் சேர்ந்த 34 பேர் பிடிபட்டிருப்பதாக கேரள போலீசார் தகவல் தெரிவித்தனர்.