இந்நிலையில், இம்பால் கிழக்கு, மேற்கு, பிஷ்ணுபூர், காக்சிங், தவ்பால் ஆகிய ஐந்து மாவட்டங்களில் பெருமளவில் ஆயுதங்கள் பதுக்கி வைக்கப்பட்டுள்ளதாக பாதுகாப்பு படையினருக்கு தகவல் கிடைத்தது. இதையடுத்து மணிப்பூர் போலீசார், மத்திய ஆயுதப்படை மற்றும் ராணுவத்தினர் இணைந்து நேற்று முன்தினம் இரவு தேடுதல் வேட்டையில் ஈடுபட்டனர்.

அப்போது, 151 எஸ்.எல்.ஆர்., துப்பாக்கிகள், 65 இன்சாஸ் துப்பாக்கிகள், 12 இலகுரக இயந்திர துப்பாக்கிகள், 6 ஏ.கே., ரக துப்பாக்கிகள் உட்பட மொத்தம் 328 துப்பாக்கிகள் பல்வேறு பகுதிகளில் பறிமுதல் செய்யப்பட்டன. இது தவிர ஏராளமான வெடிகுண்டுகள் மற்றும் வெடிமருந்துகளும் பறிமுதல் செய்யப்பட்டன.