அடுத்த ஆண்டு மார்ச் இறுதிக்குள், நக்சல்கள் இல்லாத தேசமாக நாட்டை உருவாக்க மத்திய அரசு உறுதி பூண்டுள்ளது' என, பிரதமர் நரேந்திர மோடியும், மத்திய உள்துறை அமைச்சர் அமித் ஷாவும் அறிவித்ததை அடுத்து, மாவோயிஸ்டுகள் மற்றும் நக்சல்களுக்கு எதிரான வேட்டை தீவிரம் அடைந்துள்ளது. இதனால் நக்சலைட்டுகள் ஆயுதங்களை பாதுகாப்பு படையினர் மற்றும் போலீசாரிடம் ஒப்படைத்துவிட்டு சரணடைந்து வருகின்றனர்.

குறிப்பாக நக்சலைட்டுகளால் அதிகம் பாதிக்கப்பட்டு உள்ள சத்தீஸ்கரில் மத்திய அரசு தீவிர நடவடிக்கை மேற்கொண்டு வருகிறது. இதனால், இந்தாண்டு தொடக்கம் முதலே, நக்சல் அமைப்பின் தலைவன் உட்பட ஏராளமானோர் சரண் அடைந்து உள்ளனர். அந்தவகையில் இன்று தண்டேவாடா மாவட்டத்தில் நக்சலைட்டுகள் 37 பேர் போலீசாரிடம் சரண் அடைந்தனர்.

அவர்கள் ஆயுதங்களை ஒப்படைத்தனர். சரண் அடைந்த நக்சலைட்டுகளில் 27 பேர் குறித்து தகவல் தெரிவிப்போருக்கு மொத்தம் ரூ.65 லட்சம் சன்மானம் அறிவிக்கப்பட்டு இருந்தது குறிப்பிடத்தக்கது.