போட்ஸ்வானாவிலிருந்து 8 சிவிங்கிபுலிகள் பிப்ரவரி 28 அன்று மத்தியப் பிரதேசத்தின் குனோ தேசியப் பூங்காவிற்கு வரவுள்ளன. இதன் மூலம் இந்தியாவின் ஒட்டுமொத்த சிவிங்கிபுலிகளின் எண்ணிக்கை 46 ஆக உயரும்.

இது குறித்து மத்திய பிரதேச முதன்மை தலைமை வனப் பாதுகாவலர் (வனவிலங்கு) சுபரஞ்சன் சென் கூறியதாவது:

ஆப்ரிக்க நாடான போட்ஸ்வானாவிலிருந்து 6 பெண், 2 ஆண் சிவிங்கிபுலிகள் உள்பட 8 சிவிங்கிபுலிகள், இந்திய விமானப்படை விமானம் மூலம் குவாலியர் கொண்டு வரப்பட்டு, அங்கிருந்து ஹெ லிகாப்டனர் மூலம் குனோவிற்கு கொண்டு செல்லப்படும். அந்த சிவிங்கிபுலிகள் வந்திறங்கியதும், இவை ஒரு மாதம் வரை பிரத்யேகக் கூடாரங்களில் கண்காணிக்கப்படும்.

தற்போதைய நிலவரப்படி, நாட்டில் சிவிங்கிபுலிகளின் எண்ணிக்கை 38 ஆக உள்ளது. சமீபத்தில் ஆஷா, காமினி ஆகியவை குட்டிகளை ஈன்றதால் இந்த எண்ணிக்கை அதிகரித்தது. இந்த நிலையில் அடுத்து மேலும் 8 சிவிங்கிபுலிகள் வரவுள்ளது.

இவ்வாறு சுபரஞ்சன் சென் கூறினார்.