சிக்கமகளூரு கடூரின் சகராயபட்டணாவின், மடிகே ஹொசள்ளி கிராமத்தை சேர்ந்த ஷில்பா, 24, நிறைமாத கர்ப்பிணியாக இருந்தார். நேற்று முன் தினம் காலை, இவருக்கு பிரசவ வலி ஏற்பட்டதால், குடும்பத்தினர் சிக்கமகளூரு நகரின், அரசு மகப்பெறு மருத்துவமனையில் சேர்த்தனர்.

டாக்டர்கள் சரியான நேரத்தில் அவருக்கு பிரசவம் பார்க்கவில்லை. மாலையில் கர்ப்பிணியை பரிசோதித்த டாக்டர்கள், 'குழந்தை வளர்ச்சி அடையவில்லை. ஆப்பரேஷன் செய்ய வேண்டும்' என, கூறினர். நேற்று காலை ஆப்பரேஷன் செய்த போது, குழந்தை வயிற்றிலேயே இறந்தது தெரிந்தது.

மருத்துவமனைக்கு வந்தவுடன், ஷில்பாவுக்கு பிரசவம் பார்த்திருந்தால், குழந்தை உயிருடன் இருந்திருக்கும். டாக்டர்களின் அலட்சியத்தால் குழந்தை இறந்ததாக, குடும்பத்தினர் குற்றம்சாட்டினர். 'டாக்டர்கள் மீது நடவடிக்கை எடுக்க வேண்டும்' என, வலியுறுத்துகின்றனர்.