டாடா குழுமத்திற்கு சொந்தமான ஏர் இந்தியா விமான நிறுவனம், சர்வதேச அளவில் இயக்கி வரும் பெரிய விமானங்களை 15 சதவீதம் குறைப்பதாக சமீபத்தில் தெரிவித்திருந்தது.

இந்நிலையில், தற்போது 19 சர்வதேச வழித்தடங்களில் இயக்கி வரும் 118 வாராந்திர சிறிய விமானங்களை 5 சதவீதம் அளவுக்கு தற்காலிகமாக குறைத்துக் கொள்வதாக தெரிவித்துள்ளது.

மேலும், பெங்களூரு - சிங்கப்பூர், புனே - சிங்கப்பூர் மற்றும் மும்பை - மேற்கு வங்கத்தின் பாக்டோக்ரா ஆகிய மூன்று வழித்தட சேவைகளை நிறுத்துவதாகவும் அறிவித்துள்ளது.

உள்நாட்டு சேவையான டில்லி - பெங்களூரு, டில்லி - மும்பை உள்ளிட்ட பல்வேறு வழித்தடங்களின் சேவையும் குறைக்கப்படுவதாக தெரிவித்துள்ளது.

அடுத்த மாதம் 15ம் தேதி வரை இது அமலில் இருக்கும் என ஏர் - இந்தியா தெரிவித்துள்ளது-.