குணா(ம.பி): ஓட்டுக்கு பணம் கொடுத்த வழக்கில் திகார் சிறையில் அடைக்கப்பட்டுள்ள அமர்சிங்கிற்கு கருணை காட்டலாம் என காங்கிரஸ் கட்சியின் பொதுச்செயலர் திக்கவிஜய்சிங் கூறினார். மத்தியபிரதேச மாநிலத்தில் செய்தியாளர்களுக்கு திக்விஜய்சிங் அளித்த பேட்டிவருமாறு: டில்லி ஐகோர்ட் குண்டுவெடிப்பு சம்பவத்தினை எதிர்க்கட்சிகள் அரசியலாக்க முயற்சிக்கின்றனர். நாட்டை சீர்குலைக்க நினைக்கும் பயங்கரவாத சக்திகள் இரும்புக்கரம் கொண்டு ஒடுக்கப்படும். ஓட்டுக்கு பணம் கொடுத்த விவகாரத்தில் கைது செய்யப்பட்டுள்ள அமர்சிங் ஒருஅப்பாவி, அவர் குற்றமற்றவர் என்பதை நிரூபிப்பார். அவருக்கு கருணை காட்டலாம்.