இதுபற்றிய விவரம் வருமாறு;

சம்பா மாவட்டத்தில் பரி பிரமனா என்ற பகுதியில் உள்ள கட்டடம் ஒன்றில் ராணுவ உடை அணிந்த இருவர் நடமாடி உள்ளனர். அவர்களின் நடவடிக்கைகளால் சந்தேகம் கொண்ட உள்ளூர் மக்கள், இது குறித்து ராணுவத்தினரிடம் தகவல் தெரிவித்தனர்.

இதையடுத்து, அந்த குறிப்பிட்ட பகுதியை ராணுவத்தினர் சுற்றி வைத்தனர். மேலும் உள்ளூர் மக்கள் கூறிய அந்த கட்டடத்தை தீவிர கண்காணிப்பின் கீழ் கொண்டு வந்தனர். பின்னர், அங்கு தீவிர தேடுதல் வேட்டையில் இறங்கினர்.

இதுகுறித்து ராணுவத்தினர் கூறி உள்ளதாவது;

உள்ளூர் மக்கள் 2 நபர்களின் நடமாட்டம் சந்தேகத்தை ஏற்படுத்துவதாக எங்களுக்கு தகவல் தெரிவித்தனர். சந்தேக நபர்கள் இருவரும் ராணுவ உடையில் இருந்திருக்கின்றனர். அவர்களை தேடும் பணி நீடிக்கிறது.

இவ்வாறு ராணுவத்தினர் தெரிவித்தனர்.