டில்லி அருகே உள்ள குருகிராம், பரீதாபாத் மற்றும் நுாஹ் மாவட்டங்களுக்கான பார் கவுன்சில் தேர்தல் நேற்று முன்தினம் குருகிராமில் நடந்தது. குருகிராமில், மொத்தமுள்ள 10,859 வழக்கறிஞர்களில், ஓட்டளிக்க தகுதி பெற்ற, 7,497 வழக்கறிஞர்கள் ஓட்டளித்தனர்.

குருகிராம் வழக்கறிஞர் சங்க தேர்தலின் பார்வையாளராக, யஷ்விந்திரா சிங் நியமிக்கப்பட்டிருந்தார். மொத்தம், 157 வேட்பாளர்கள் போட்டியில் இருந்தனர். அவர்களில், 15 பேர் பெண்கள். ஆறு பேர் குருகிராம் நீதிமன்றங்களை சேர்ந்தவர்கள்.

காலை, 9:00 மணிக்கு துவங்கிய ஓட்டுப்பதிவு, அமைதியான முறையில் நடந்து, மாலை, 5:00 மணிக்கு நிறைவடைந்ததாக கூறப்பட்டது.