பெங்களூரு, மைசூரு, பேலுார் ஆகிய இடங்களுக்கு சுற்றுலா செல்ல விரும்பும் பெலகாவி மக்களுக்காக ஐந்து நாள் சுற்றுலா திட்டத்தை கே.எஸ்.டி.டி.சி., அறிவித்துள்ளது.

ஒவ்வொரு வியாழக்கிழமையும் பஸ், பெலகாவியில் இருந்து இரவு 9:00 மணிக்கு பஸ் புறப்படும்.

இரண்டாம் நாள்: காலையில் ஹலேபீடு சென்றடைதல். அங்கு குளித்து, காலை 8:00 முதல் 9:00 மணி வரை டிபன் சாப்பிடுதல்; பின், ஹொய்சலேஸ்வரர் கோவிலுக்கு செல்லுதல். இங்கு 10:00 முதல் 11:00 மணி வரை தரிசனம். மதிய உணவு பேலுாரில் சாப்பிடலாம்.

அதை அடுத்து, ஸ்ரவண பெளகொலாவில், பகல் 2:00 முதல் 3:00 மணி வரை இசை கேட்பது; மாலை 4:30 முதல் இரவு 8:00 மணி வரை மைசூரு கே.ஆர்.எஸ்., கார்டனை பார்த்த பின், மைசூரில் இரவு தங்குதல்.

மூன்றாம் நாள்: காலை 8:00 மணிக்கு புறப்படுதல்; காலை உணவுக்கு பின், சாமுண்டீஸ்வரி மலை, உயிரியல் பூங்கா, அரண்மனை, செயின்ட் பிலோமினா தேவாலயம், ஸ்ரீரங்கப்பட்டினம், திப்பு கோட்டை அரண்மனையை பார்க்கலாம். மாலை 6:00 மணிக்கு பின், அங்கிருந்து புறப்பட்டு சிவசமுத்திராவை அடைவது; இரவில் அங்கு தங்கலாம்.

நான்காவது நாள்: காலை உணவுக்கு பின், பெங்களூருக்கு புறப்படுதல். காலை 10:00 முதல் மாலை 6:00 மணி வரை பன்னர்கட்டா தேசிய பூங்கா, புல் டெம்பிள், விஸ்வேஸ்வரய்யா அருங்காட்சியகம், விதான் சவுதா, உயர்நீதிமன்றம் வெளியில் இருந்து பார்ப்பது; இஸ்கான் கோவிலில் தரிசனம் செய்த பின், அங்கிருந்து பெலகாவிக்கு புறப்படுதல்; வழியில் இரவு உணவு சாப்பிடலாம்.

ஐந்தாம் நாள்: பெலகாவி சென்றடைதல்

இந்த சுற்றுலா திட்டத்தில் பெங்களூரு, மைசூரு, பேலுார் ஆகிய இடங்களில் உள்ள 15 சுற்றுலா தலங்களை பார்வையிடலாம்.

இது தொடர்பான விபரங்களுக்கு, 080 --4334 4334; 89706 50070 என்ற மொபைல் எண்ணில் அறியலாம்.