தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/இந்தியா/பா.ஜ., தலைவர் நட்டா இன்று கர்நாடகா வருகை

பா.ஜ., தலைவர் நட்டா இன்று கர்நாடகா வருகை

பா.ஜ., தலைவர் நட்டா இன்று கர்நாடகா வருகை


ADDED : மார் 04, 2024 07:11 AM

Follow on GoogleFavourite on Google

ADDED : மார் 04, 2024 07:11 AM


Follow on Google
Latest Tamil News
அ நிறம் | அளவு

பெலகாவி: லோக்சபா தேர்தலை ஒட்டி, இரண்டு நாள் பயணமாக, பா.ஜ., தலைவர் நட்டா இன்று, கர்நாடகா வருகை தருகிறார்.

லோக்சபா தேர்தலில் கர்நாடகாவில் 28 தொகுதிகளிலும், வெற்றி பெற வேண்டும் என்று, பா.ஜ., கூட்டணி இலக்கு நிர்ணயித்து உள்ளது. இதனால் பா.ஜ., தேசிய தலைவர்கள் அடிக்கடி கர்நாடகா வந்து, பிரதமர் மோடியின் 10 ஆண்டுகால சாதனை பற்றி, மக்களிடம் எடுத்து கூறி வருகின்றனர்.

இந்நிலையில் லோக்சபா தேர்தலை ஒட்டி, பா.ஜ., தலைவர் நட்டா இன்று கர்நாடகா வருகை தருகிறார். டில்லியில் இருந்து விமானம் மூலம், இன்று இரவு 8:30 மணிக்கு, பெலகாவி சாம்ரா விமான நிலையம் வருகிறார்.

அவரை கர்நாடகா பா.ஜ., தலைவர்கள் வரவேற்கின்றனர். அதன்பின்னர் பெலகாவியில் உள்ள ஹோட்டலில், பெலகாவி, சிக்கோடி, பாகல்கோட், விஜயபுரா லோக்சபா தொகுதிகளை சேர்ந்த பா.ஜ., தலைவர்களுடன் ஆலோசனை நடத்துகிறார்.

நாளை காலை 11:15 மணிக்கு சிக்கோடியில் உள்ள, கித்வாய் மைதானத்தில் நடக்கும் பா.ஜ., பொதுக் கூட்டத்தில் பங்கேற்கிறார்.

இதையடுத்து மதியம் 2:15 மணிக்கு பெலகாவி ஐ.டி.சி., ஹோட்டலில், பிரதமர் மோடியின் திட்டங்களால் பயன் அடைந்தவர்களிடம், உரையாடல் நடத்துகிறார். அதன்பின்னர் இரவு டில்லி புறப்பட்டு செல்கிறார்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us