இது குறித்து ஷேக் ஹசீனா கூறியதாவது: வங்கதேசம் இப்போது தீவிரவாத வகுப்புவாத சக்திகள் மற்றும் வெளிநாட்டு குற்றவாளிகளின் கொடூரமான தாக்குதலுக்கு ஆளாகி வருகிறது. நாடு முழுவதும் ரத்தக்களரி ஏற்பட்டுள்ளது. தேசம் அதல பாதாளத்தில் விழும் நிலையில் உள்ளது.

ஒரு காலத்தில் அமைதியான மற்றும் வளமானதாக வங்கதேசம் இருந்தது. உண்மையில், முழு நாடும் ஒரு பரந்த சிறைச்சாலையாக, மரணதண்டனை நிறைவேற்றும் இடமாக மாறிவிட்டது. இடைக்கால அரசின் தலைவர் ஒரு கந்து வட்டிக்காரர், பணமோசடி செய்பவர், கொள்ளையர் மற்றும் ஊழல் நிறைந்த, அதிகார வெறி கொண்ட துரோகி.

எங்கும் அழிவின் மத்தியில் உயிர்வாழப் போராடும் மக்களின் அழுகை மட்டுமே கேட்கிறது. உயிருக்கான அவநம்பிக்கையான வேண்டுகோள். அலறல்கள் மட்டுமே கேட்கின்றன. நாடு சட்டமின்மை, பாதுகாப்பின்மை மற்றும் சிறுபான்மையினரைத் துன்புறுத்துவதை எதிர்கொள்கிறது, கும்பல் வன்முறை, கொள்ளை மற்றும் தீவிரவாதம் நாடு முழுவதும் பரவி வருகிறது. இவ்வாறு ஷேக் ஹசீனா கூறினார்.