வழக்கை விசாரித்த நீதிமன்றம் மனுவை தள்ளுபடி செய்தது. இதை தொடர்ந்து, உச்ச நீதிமன்றத்தில் மேல்முறையீடு செய்தார்.அந்த மனு, உச்ச நீதிமன்ற நீதிபதிகள் சூர்ய காந்த், கே.வி.விஸ்வநாதன் அமர்வில் நேற்று விசாரணைக்கு வந்தது. அப்போது, அரசியல் கட்சிகளின் தேர்தல் அறிக்கையில், நேரடியாகவோ அல்லது மறைமுகமாகவோ மக்களுக்கு நிதி உதவி அளிப்பது தொடர்பாக வாக்குறுதிகள் வழங்கப்படுவது ஊழலுக்கு வழிவகுப்பதாக வாதிடப்பட்டது.

இதை ஏற்க மறுத்த நீதிபதிகள் பிறப்பித்த உத்தரவு: தற்போதைய வழக்கில் எழுப்பப்பட்டுள்ள இந்த கேள்விக்கு விரிவான பதில் அளிக்க வேண்டிய தேவை இப்போது எழவில்லை. பொருத்தமான வழக்கில் அதற்கான பதில் அளிக்கப்படும். மேலும், தேர்தல் அறிக்கையில் அறிவிக்கப்படும் இலவச திட்டங்களுக்கு தடை கோரிய வழக்கு உச்ச நீதிமன்றத்தில் நிலுவையில் உள்ளது. இந்த நேரத்தில், மனுதாரரின் வாதங்கள் ஏற்புடையதாக இல்லை. எனவே மனு தள்ளுபடி செய்யப்படுகிறது. இவ்வாறு நீதிபதிகள் உத்தரவிட்டனர்.