இதுகுறித்து டி.டி.ஏ., வெளியிட்ட அறிக்கை:

நகரில் பல்வேறு சமூக நலக்கூடங்கள் பயன்படுத்தப்படாமல் உள்ளன. அவற்றை நுாலகங்களாகவும் வாசிப்பு மையங்களாகவும் ஆயிரக்கணக்கான மாணவர்களுக்கு பயனுள்ள வகையில் மாற்ற திட்டமிடப்பட்டுள்ளது.

முதற்கட்டமாக ராஜேந்திர நகர், அதிசினி, விகாஸ்புரி, துவாரகா செக்டார்-16பி, ரோகிணி ஆகிய இடங்களில் பயன்படுத்தப்படாத ஐந்து சமூக நலக்கூடங்கள் ஏற்கனவே அடையாளம் காணப்பட்டுள்ளன. தேவையான அனைத்து வசதிகளுடன் கூடிய நவீன நுாலகமாகவும், வாசகசாலையாகவும் மாற்றும் பணி வேகமாக நடைபெற்று வருகிறது.

இவ்வாறு அறிக்கையில் கூறப்பட்டுள்ளது.