இடுக்கி மாவட்டத்தில் உள்ளாட்சிக்கு முதல்கட்ட தேர்தல் டிச.9ல் நடக்கிறது. அரசியல் கட்சியினர் தீவிர ஓட்டு சேகரிப்பில் ஈடுபட்டுள்ளனர்.

இடுக்கி மாவட்ட ஊராட்சி 2ம் வார்டான மூணாறு டிவிஷனில் காங்கிரஸ் கூட்டணி சார்பில் நெல்சன் போட்டியிடுகிறார். அவர் உள்பட நான்கு பேர் நேற்று முன்தினம் மூணாறு அருகில் உள்ள கல்லார் எஸ்டேட் பகுதியில் ஓட்டு சேகரிப்பில் ஈடுபட்டனர். பின்னர் இரவில் ஜீப்பில் வீடு திரும்பினர்.

அப்போது கல்லார் எஸ்டேட் அருகே ஒற்றை கொம்பன் காட்டு யானை ஜீப்பை வழிமறித்தது. டிரைவர் ஜான்ஆப்ரகாம் ஜீப்பை பின்னோக்கி அரை கி.மீ., தூரம் சாமர்த்தியமாக ஓட்டினார்.

ஜீப்பை யானை பின் தொடர்ந்த நிலையில் இருள், மேகமூட்டம் ஆகியவற்றால் தொடர்ந்து ஜீப்பை இயக்க இயலவில்லை.

ஜீப்பின் அருகில் வந்த யானை துதிக்கையால் துளாவி விட்டு தேயிலை தோட்டத்தினுள் சென்றது. இதனால், வேட்பாளர் உள்பட அனைவரும் அதிஷ்டவசமாக உயிர் தப்பினர்.