இதுகுறித்து அவர் ஏஎன்ஐ செய்தி நிறுவனத்திற்கு அளித்த பேட்டியில் கூறி உள்ளதாவது;

இந்தியா மீதான அமெரிக்காவின் 50 சதவீத வரி, நாம் ரஷ்யாவுடன் வர்த்தகம் செய்வதால் மட்டுமே விதிக்கப்படவில்லை. ஐரோப்பிய ஒன்றியமும், அமெரிக்காவும் கூட ரஷ்யாவுடன் வர்த்தகம் செய்கின்றன. இதையும் தாண்டிய கொடூரமான காரணம் இருக்கிறது.

பாகிஸ்தான் ராணுவம், அதன் வணிக நிறுவனங்கள் மூலம் டிரம்ப் நிர்வாகத்தினருடன் மிக வலுவான வணிக உறவுகளை கொண்டு இருக்கலாம் என்று நான் நம்புகிறேன். முன் எப்போதும் இல்லாத வகையில், பாகிஸ்தான் ராணுவ தளபதி முனிர், அமெரிக்காவுக்கு 2வது முறையாக செல்கிறார். நிச்சயம் அவர் (முனிர்) இந்தியாவின் நண்பராக செயல்படப்போவதில்லை.

இப்போதைக்கு அமெரிக்காவுக்கும் நமக்கும் நட்பு எதுவும் கிடையாது. பின்வழியில் பேச்சு வார்த்தை எதுவும் கிடையாது. ஆனால் நாம் இதுகுறித்து பேச்சுவார்த்தை நடத்த வேண்டும்.

அமெரிக்காவுக்கு நாம் தேவை. நமக்கு அமெரிக்கா தேவை. வாடிக்கையாளர்களை உடனடியாக ஏற்படுத்திக்கொள்வது எளிதானதல்ல; அதேபோல, அமெரிக்காவுக்கும் பொருட்களை சப்ளை செய்வோரை கண்டறிவதும் எளிதானதல்ல.

இவ்வாறு கார்த்தி கூறினார்.