சிபிஎஸ்இ வெளியிட்டுள்ள அதிகாரப்பூர்வ அறிவிப்பில் கூறப்பட்டுள்ளதாவது:

2026 ஆம் ஆண்டு வரவிருக்கும் 10 மற்றும் 12 ஆம் வகுப்பு வாரியத் தேர்வுகளில் பங்கேற்க பதிவுசெய்யப்பட்ட மாணவர்களுக்கான தேவைகளை எடுத்துக்காட்டும்வகையில், இந்த மாணவர்கள், தேர்வுகளுக்குத் தகுதி பெறுவதற்கு 9-10 ஆம் வகுப்பு மற்றும் 11-12 ஆம் வகுப்புகளின் அனைத்து பாடங்களையும் இரண்டு ஆண்டுகள் முழுமையாக படித்திருக்க வேண்டும். மேலும் அவர்கள் வழக்கமான பள்ளியில் குறைந்தது 75 சதவீத வருகைப் பதிவை பராமரிக்க வேண்டும்.

மாதாந்திர தேர்வுகள், செயல்முறை விளக்கங்கள் மற்றும் வருகைப்பதிவு ஆகியவை உள்மதிப்பீடாக எடுத்துக்கொள்ளப்படும்.

சிபிஎஸ்இ வழங்கும் அனைத்து பாடங்களிலும், உள் மதிப்பீடு என்பது என்இபி-2020 இன் படி, மதிப்பீட்டின் கட்டாய ஒருங்கிணைந்த பகுதியாகும். இது 2 வருட செயல்முறையாகும். ஒரு மாணவர் பள்ளிக்குச் செல்லவில்லை என்றால், அவர்களது உள் மதிப்பீட்டைச் செய்ய முடியாது. உள் மதிப்பீட்டில் செயல்திறன் இல்லாத நிலையில், ஒரு மாணவரின் தேர்வு முடிவை அறிவிக்க முடியாது.

10 ஆம் வகுப்பில், மாணவர்கள் கட்டாய ஐந்து பாடங்களுடன் கூடுதலாக இரண்டு பாடங்களையும், 12 ஆம் வகுப்பில் கூடுதலாக ஒரு பாடத்தை மட்டும் தேர்வு செய்து படிக்கலாம்.

இவ்வாறு அந்த அறிவிப்பில் கூறப்பட்டுள்ளது.