l அனைத்து விதமான பணம் செலுத்துவதற்கும் வசதியாக 'ஒருங்கிணைந்த நிதி மேலாண்மை முறை'யை, மாநகராட்சியின் நிதி பிரிவு செயல்படுத்தியுள்ளது. நடப்பாண்டு முதல், இந்த முறை அனைத்து பிரிவுகளிலும் நடைமுறைப்படுத்தப்படும்

l அன்றாட கணக்குகளை சரிபார்ப்பது, பட்ஜெட் தயாரிப்பது, வரி தொடர்பான அனைத்து விஷயங்களையும் நிர்வகிக்கவும், பொருளாதார மேம்பாடு குறித்து ஆலோசனை வழங்கவும், சிறந்த பட்டய கணக்காளர் தலைமையில், கணக்கு மற்றும் பட்ஜெட் பிரிவு அமைக்கப்படும்

l வார்டுகளில் மேற்கொள்ள வேண்டிய அனைத்து விதமான வளர்ச்சி பணிகளுக்கும், பட்ஜெட் அறிவிப்பின்படியே நிதி ஒதுக்கப்படும்

திருநங்கையர்

தங்கும் விடுதி

l ஓய்வு பெறும் துப்புரவு தொழிலாளர்களுக்கு இந்தாண்டு முதல் ஓய்வூதியம் வழங்கப்படும். இதற்கு, 137.50 கோடி ரூபாய் ஒதுக்கப்படும்

l பணிபுரியும் மகளிர், துப்புரவு தொழிலாளர்களுக்கு எலக்ட்ரிக் இரு சக்கர வாகனங்கள்; மாற்றுத்திறனாளிகளுக்கு மூன்று சக்கர வாகனங்கள் இலவசமாக வழங்க, 12 கோடி ரூபாய் ஒதுக்கீடு

l திருநங்கையர், பொருளாதார ரீதியில் பிற்படுத்தப்பட்ட சமூகத்தினருக்கும், சுய தொழில் துவங்க அதிகபட்சமாக 1.50 லட்சம் ரூபாய் நிதியுதவி வழங்கப்படும். இத்திட்டத்துக்கு இந்தாண்டில் 10 கோடி ரூபாய் வழங்கப்படும்

l வீடற்ற நகர பகுதி மக்கள் வீடு கட்டி கொள்ள 5 லட்சம் ரூபாய் நிதியுதவி வழங்குவதற்கு, 211 கோடி ரூபாய் ஒதுக்கீடு

l எட்டு மண்டலங்களில், தலா ஒரு முதியோர் இல்லம் அமைப்பதற்கு, 4 கோடி ரூபாய் ஒதுக்கீடு

l பணிபுரியும் பெண்களுக்கு, பாதுகாப்பாக தங்குவதற்கு, 'சாவித்ரி தங்கும் விடுதிகள்' அமைக்க, 4 கோடி ரூபாய் வழங்கப்படும்

l திருநங்கையர் நலனுக்காக, இரவில் தங்க, ஒரு தங்கும் விடுதியும்; ஆதரவற்றோர் இரவில் தங்க 48 தங்கும் விடுதிகளும் 4 கோடி ரூபாயில் அமைக்கப்படும்

l நகரின் 5,000 நடைபாதை வியாபாரிகளுக்கு ரிக் ஷா வழங்க, 50 கோடி ரூபாய் ஒதுக்கீடு. இதில், மகளிர், திருநங்கையருக்கு, தலா 1.50 லட்சம் ரூபாயும், மற்றவர்களுக்கு 1 லட்சம் ரூபாயும் வழங்கப்படும்.