மதுரை திருப்பரங்குன்றத்தில் உள்ள முருக பெருமான் கோவில் மலை உச்சியில் உள்ள தீபத்துாணில், கார்த்திகை தீபத்தன்று விளக்கு ஏற்ற சென்னை உயர் நீதிமன்ற மதுரை கிளை நீதிபதி ஜி.ஆர்.சுவாமி நாதன் உத்தரவிட்டார்.

இது தொடர்பாக, தமிழகத்தில் ஆளும் தி.மு.க., அரசு - ஹிந்து அமைப்புகள் இடையே மோதல் வெடித்தது. தமிழக அரசியலில் பெரும் புயலைக் கிளப்பிய இந்த விவகாரம், சென்னை உயர் நீதிமன்றத்தில் நிலுவையில் உள்ளது.

கூட்டறிக்கை

தீபத்துாணில் விளக்கு ஏற்ற உத்தரவிட்ட நீதிபதி ஜி.ஆர்.சுவாமிநாதனை பதவி நீக்கம் செய்யக் கோரி, தி.மு.க., - காங்., - சமாஜ்வாதி உள்ளிட்ட கட்சிகள் அடங்கிய இண்டி கூட்டணி, லோக்சபா சபாநாயகர் ஓம் பிர்லாவிடம் நோட்டீஸ் அளித்துள்ளது.

தேசிய அளவில் கவனத்தை பெற்றுள்ள இந்த விவகாரத்தில், நீதிபதி ஜி.ஆர்.சுவாமிநாதனுக்கு பா.ஜ., உள்ளிட்ட கட்சிகளும், ஹிந்து அமைப்புகளும் ஆதரவு தெரிவித்துள்ளன.

இந்நிலையில், இந்த விவகாரத்தில் நீதிபதி ஜி.ஆர்.சுவாமிநாதனுக்கு ஆதரவு தெரிவித்து, உச்ச நீதிமன்ற முன்னாள் நீதிபதிகள் உட்பட, 56 நீதிபதிகள் கூட்டறிக்கை வெளியிட்டுள்ளனர்.

அதன் விபரம்:

நீதிபதி ஜி.ஆர்.சுவாமிநாதனுக்கு எதிராக பதவி நீக்க தீர்மானத்துக்கு, இண்டி கூட்டணி நோட்டீஸ் கொடுத்தது மிகவும் கண்டனத்துக்குரியது. இது, ஒரு குறிப்பிட்ட சமுதாயத்தின் சித்தாந்த மற் றும் அரசியல் எதிர்பார்ப்பு களுக்கு இணங்காத நீதிபதிகளை அச்சுறுத்தும் அப்பட்டமான முயற்சி.

இது தொடர அனுமதிக்கப்பட்டால், நம் ஜனநாயகம் மற்றும் நீதித் துறை சுதந்திரத்தின் வேர்களை அடியோடு சிதைத்து விடும். பதவி நீக்க தீர்மானத்தில் கையெழுத்திட்ட எம்.பி.,க்கள் கூறும் காரணங்களை கணக்கில் எடுத்தாலும், பதவி நீக்கம் போன்ற நடவடிக்கையை எடுப்பதற்கான நியாயமான காரணங்கள் இல்லை.

காங்கிரசை சேர்ந்த மறைந்த முன்னாள் பிரதமர் இந்திரா, கடந்த 1975ல், நாட் டில் நெருக்கடி நிலையை அமல்படுத்தினார். அப்போது, கோட்பாடுகளுக்கு இணங்க மறுத்த நீதிபதிகளை தண்டிக்க, பதவி உயர்வை தடுப்பது உள்ளிட்ட நடவடிக்கைகள் எடுக்கப்பட்டன. அரசியல் தலையீடால் நீதித் துறை எவ்வாறு பாதிக்கப்படுகிறது என்பதற்கு இது ஓர் உதாரணம்.

உதாரணம்

சில அரசியல் நலன்களுக்கு சாதகமற்ற முடிவுகளை எடுக்கும் போது, நீதிபதிகளை அவமதிக்கும் செயல்கள் நடந்த வண்ணம் தான் உள்ளன.

முன்னாள் தலைமை நீதிபதிகள் தீபக் மிஸ்ரா, ரஞ்சன் கோகோய், எஸ்.ஏ.பாப்டே, டி.ஒய்.சந்திரசூட், தற்போதைய தலைமை நீதிபதி சூர்யகாந்த் உள்ளிட்டோர் அதற்கு உதாரணம்.

பதவி நீக்க நோட்டீசின் நோக்கம் நீதித் துறையின் நேர்மையை காப்பதற்காக இருக்க வேண்டுமே தவிர, அரசியல் பழிவாங்கும் கருவியாக பயன்படுத்தப்பட கூடாது.

அரசியல் எதிர்பார்ப்புகளுக்கு இணங்க நீதிபதிகளை கட்டாயப்படுத்த, பதவி நீக்க நோட்டீசை பயன்படுத்துவது அரசியலமைப்பை அச்சுறுத்துவதற்கு சமம். இத்தகைய அணுகுமுறை ஜனநாயக விரோதமானது மற்றும் அரசியலமைப்புக்கு எதிரானது. இவ்வாறு அதில் குறிப்பிடப்பட்டுள்ளது.

கையெழுத்து போட்ட நீதிபதிகள் யார் யார்

* சுப்ரீம் கோர்ட் நீதிபதி ஆதர்ஷ் கோயல்

* சுப்ரீம் கோர்ட் நீதிபதி ஹேமந்த் குப்தா

* ராஜஸ்தான் ஐகோர்ட் முன்னாள் தலைமை நீதிபதி அனில் தியோ சிங்

* பாட்னா ஐகோர்ட் முன்னாள் தலைமை நீதிபதி நரஷிம்ம ரெட்டி

* பாட்னா ஐகோர்ட் முன்னாள் தலைமை நீதிபதி பஜன்த்ரி

* கர்நாடகா ஐகோர்ட் முன்னாள் தலைமை நீதிபதி கமல் முகர்ஜி

* சிக்கிம் ஐகோர்ட் முன்னாள் தலைமை நீதிபதி பெர்மோத் ே காஹ்லி

* குஜராத் ஐகோர்ட் முன்னாள் நீதிபதி பெர்மோத் கோஹ்லி

* மபி மற்றும் ராஜஸ்தான்ஐகோர்ட் முன்னாள் நீதிபதி விஷ்ணு எஸ் கோக்ஜே

* மும்பை ஐகோர்ட் முன்னாள் நீதிபத அம்பாதாஸ் ஜோஷி

* சென்னை ஐகோர்ட் முன்னாள் நீதிபதி சுப்ரமணியன்

* சென்னை ஐகோர்ட் முன்னாள் நீதிபதி சிவஞானம்

* சென்னை ஐகோர்ட் முன்னாள் நீதிபதி சுதந்திரம்

* டில்லி ஐகோர்ட் முன்னாள் நீதிபதி திங்ரா

* டில்லி ஐகோர்ட் முன்னாள் நீதிபதி கவுபா

* டில்லி ஐகோர்ட் முன்னாள் நீதிபதி வினோத் கோயல்

* டில்லி ஐகோர்ட் முன்னாள் நீதிபதி சோப்ரா

* டில்லி ஐகோர்ட் முன்னாள் நீதிபதி வித்யா பூஷண் குப்தா

* ஜார்க்கண்ட் ஐகோர்ட் முன்னாள் நீதிபதி ரமேஷ் குமார் மெராதியா

* ஜார்க்கண்ட் ஐகோர்ட் முன்னாள் நீதிபதி நவல் கிஷோர் அகர்வால்

* பஞ்சாப் மற்றும் ஹரியானா மாநில ஐகோர்ட முன்னாள் நீதிபதி கரம் சந்த் புரி

* பஞ்சாப் மற்றும் ஹரியானா மாநில ஐகோர்ட முன்னாள் ஜஸ்பிர் சிங்

* பஞ்சாப் மற்றும் ஹரியானா மாநில ஐகோர்ட முன்னாள் பல்லா

* பஞ்சாப் மற்றும் ஹரியானா மாநில ஐகோர்ட முன்னாள் அகர்வால்

* பஞ்சாப் மற்றும் ஹரியானா மாநில ஐகோர்ட முன்னாள் தர்ஷன் சிங்

* ராஜஸ்தான் ஐகோர்ட் முன்னாள் நீதிபதி மற்றும் தேசிய பசுமை தீர்ப்பாய உறுப்பினர் ரத்தோர்

* ராஜஸ்தான் ஐகோர்ட் முன்னாள் நீதிபதி பிரசாந்த் அகர்வால்

* மபி ஐகோர்ட் முன்னாள் நீதிபதி ராகேஷ் சக்சேனா

* மபி ஐகோர்ட் முன்னாள் நீதிபதி கேகே திரிவேதி

* மபி ஐகோர்ட் முன்னாள் நீதிபதி எச்பி சிங்

* மபி ஐகோர்ட் முன்னாள் நீதிபதி டி கே பலிவல்

* மபி ஐகோர்ட் முன்னாள் நீதிபதி சுஷில் கே ஆர் குப்தா

* தெலுங்கானா ஐகோர்ட் முன்னாள் நீதிபதி சிவ சங்கர ராவ்

* அலகாபாத் ஐகோர்ட் முன்னாள் நீதிபதி கமலேஷ் வர் நாத்

* அலகாபாத் ஐகோர்ட் முன்னாள் நீதிபதி டிகே சேத்

* அலகாபாத் ஐகோர்ட் முன்னாள் நீதிபதி ராஜேஷ் குமார்

* அலகாபாத் ஐகோர்ட் முன்னாள் நீதிபதி சுரேந்தி ரவிக்ரம் சிங் ரத்தோர்

* அலகாபாத் ஐகோர்ட் முன்னாள் நீதிபதி விஜய் லஷ்மி

* அலகாபாத் ஐகோர்ட் முன்னாள் நீதிபதி திரிபாதி

* அலகாபாத் ஐகோர்ட் முன்னாள் நீதிபதி அரோரா

* கர்நாடகா ஐகோர்ட் முன்னாள் நீதிபதி ராஜேந்தர் பத்மிகெர்

* கர்நாடகா ஐகோர்ட் முன்னாள் நீதிபதி ஸ்ரீநிவாஸ் ஹரிஷ் குமார்

* கர்நாடகா ஐகோர்ட் முன்னாள் நீதிபதி சந்திர சேகர்

* கர்நாடகா ஐகோர்ட் முன்னாள் நீதிபதி கிருஷ்ணா பட்

* குஜராத் ஐகோர்ட் முன்னாள் நீதிபதி வினீத் கோத்தாரி

* குஜராத் ஐகோர்ட் முன்னாள் நீதிபதிரவிக்குமார் ரமேஷ்வர் தயார் திரிபாதி

* குஜராத் ஐகோர்ட் முன்னாள் நீதிபதி கே ஏ புஜ்

* கேரள ஐகோர்ட் முன்னாள் நீதிபதி ரவிந்திரன்

* கேரள ஐகோர்ட் முன்னாள் நீதிபதி ஹரிஹரன் நாயர்

* கேரள ஐகோர்ட் முன்னாள் நீதிபதி சிதம்பரேஷ்

* கேரள ஐகோர்ட் முன்னாள் நீதிபதி ராமகிருஷ்ணா

*கேரள ஐகோர்ட் முன்னாள் நீதிபதி பாலகிருஷ்ணன்

* அலகாபாத் மற்றும் உத்தரகாண்ட்ஐகோர்ட் முன்னாள் நீதிபதி சுபாஷ் சந்த்

* உத்தரகாண்ட் ஐகோர்ட் முன்னாள் நீதிபதி லோக்பால் சங்

* உத்தரகாண்ட் ஐகோர்ட் முன்னாள் விவேக் சர்மா

* அலகாபாத் ஐகோர்ட் முன்னாள் நீதிபதி ராஜிவ் லோசன் ஆகியோர் இந்த அறிக்கையில் கையெழுத்து போட்டுள்ளனர்.