டில்லியில் நிகழ்ச்சி ஒன்றில் பங்கேற்ற பிறகு கட்கரி கூறியதாவது: எந்த கட்சி ஆட்சியில் இருந்தாலும் சரி, ஒன்று மட்டும் நிச்சயம். நல்ல வேலை செய்பவருக்கு உரிய மரியாதை கிடைக்காது. கெட்ட வேலைகளை செய்பவர் தண்டிக்கப்படுவது கிடையாது. இதனை எப்போதும் நான் நகைச்சுவையாக சொல்வேன். இது போன்ற சித்தாந்தத்தின் சீரழிவு ஜனநாயகத்திற்கு நல்லது அல்ல.

விவாதங்களில் கருத்து வேறுபாடு ஏற்படுவது பிரச்னை அல்ல. ஆனால், நல்ல சிந்தனைகள் கிடைப்பதில் தான் பிரச்னை. தங்கள் சித்தாந்தத்தின் அடிப்படையில் உறுதியுடன் நிற்பவர்கள் உள்ளனர். ஆனால், அத்தகையவர்களின் எண்ணிக்கை குறைந்து வருகிறது. சித்தாந்தத்தில் இந்த சீரழிவு ஜனநாயகத்திற்கு நல்லது அல்ல. இவ்வாறு கட்கரி கூறினார்.