மேல்சபை பூஜ்ய நேரத்தில், நேற்று நடந்த விவாதம்:

எதிர்க்கட்சி தலைவர் நாராயணசாமி: நாளை (இன்று) முதல் எஸ்.எஸ்.எல்.சி., தேர்வு துவங்குகிறது. மார்ச் 22ல் கன்னட அமைப்பினர் 'கர்நாடகா பந்த்' அறிவித்துள்ளனர். இதனால் மாணவர்கள் கலக்கம் அடைந்துள்ளனர். இத்தகைய குழப்பமான சூழ்நிலைக்கு தீர்வு காண, அரசு என்ன நடவடிக்கை எடுத்துள்ளது.

துணை முதலவர் சிவகுமார்: கன்னட அமைப்புகள், தங்களின் கோரிக்கைகள் குறித்து, அரசுடன் பேசி இருக்கலாம். திடீரென பந்த் அறிவிக்க வேண்டிய அவசியம் இல்லை. அவர்களின் முடிவு சரியல்ல. பந்த் நடத்தினால், மேற்கொள்ள வேண்டிய நடவடிக்கைகள் குறித்து, அதிகாரிகளுடன் கலந்தாலோசித்து முடிவு செய்யப்படும்.