இவர் சவுராஷ்டிரா குலதேவி என்பதால், சடங்கு சம்பிரதாயங்கள் சவுராஷ்டிரா வழக்கப்படி நடக்கிறது.இதனால் திருவாங்கூர் மன்னர், தேவஸ்வம் போர்டு நிர்வாகம் சவுராஷ்டிரா சமூகத்தினரை 'சம்பந்தி'யாக கவுரவிக்கின்றனர்.

இந்தாண்டு திருக்கல்யாண உற்ஸவம் டிச.23ல்கேரள மாநிலம் மாம்பழத்துறையில் அம்மனின் ஜோதி ரூப தரிசன வழிபாட்டுடன்துவங்கியது. நேற்று காலை கோவில் கல்மண்டபம் அருகில் சவுராஷ்டிரா சமூகத்தினரை சம்பந்தி மரியாதையுடன் வரவேற்றனர். புஷ்கலாதேவி பகவானோடு ஜோதிரூபத்தில் ஐக்கியமாகி, ஆனந்தமாக அம்பாள் வீற்று இருப்பதை கொண்டாடும் வகையில், 'பாண்டியன் முடிப்பு பொங்காலா' என்ற வைபவம் நடந்தது. மாலை 5:00 மணிக்கு 'தாலப்பொலி ஊர்வலம்', இரவு நிச்சயதார்த்தம் நடந்தது.

இன்று (டிச.25) இரவு 8:00 மணிக்கு திருக்கல்யாண மண்டபத்தில் பகவான், அம்பாளுக்கு திருக்கல்யாணம் நடைபெறும்.