வடகி ழக்கு மாநிலங்களில் ஒன்றான மிசோரமில் போதைப் பொருட்கள் அதிகம் புழங்குவதாக கிடைத்த தகவலை அடுத்து, அசாம் ரைபிள்ஸ் வீரர்கள் சைத்துவல் என்ற பகுதியில், கடந்த 27ம் தேதி வாகன சோதனையில் ஈடுபட்டனர்.

அப்போது சந்தே கத்திற்கிட மாக வந்த வாகனத்தை தடுத்து நிறுத்தி சோதனையிட்டதில் 5,421 கிலோ மெத் ஆம்பெட்டமைன் போதைப் பொருள் சிக்கியது.

இதன் மதிப்பு 16.26 கோடி ரூபாய் என கூறப்படுகிறது. கடத்தலில் ஈடுபட்ட மணிப்பூரின் மோரே பகுதியை சேர்ந்த தங்டின்சேய் என்பவரை பிடித்து சைத்துவல் போலீசாரிடம் அசாம் ரைபிள்ஸ் வீரர்கள் ஒப்படைத்தனர்.

முன்னதாக கடந்த 26ம் தேதி இந்திய - மியான்மர் எல்லையில் மிசோரமின் சம்பாய் பகுதியில் அசாம் ரைபிள்ஸ் வீரர்கள் நடத்திய தேடுதல் வேட்டையில், 13.33 கோடி ரூபாய் மதிப்புள்ள மெத் ஆம்பெட்டமைன் போதைப் பொருள் சிக்கியது.

இதேபோல், கடந்த 25ம் தேதி மிசோரமின் உலக வங்கி ரோடு பகுதியில் நடத்திய அதிரடி சோதனையில், 4.444 கிலோ எடையுள்ள மெத் ஆம்பெட்டமைன் மாத்திரைகளை பாதுகாப்பு படையினர் பறிமுதல் செய்தனர்.

இது தொடர் பாக, மியான்மரை சேர்ந்த பவி கந்தங்கா என்பவர் கைது செய்யப்பட்டார். இவர் போதைப் பொருள் கடத்தல் நெட்வொர்க்கை சேர்ந்தவராக இருக்கலாம் என்ற சந்தேகத்தில் விசாரணை நடக்கிறது.

இதுகுறித்து போதைப் பொருள் தடுப்பு அதிகாரிகள் கூறியுள்ளதாவது:

குஜராத்தைச் சேர்ந்த சில நிறுவனங்கள், மெத் ஆம்பெட்டமைன் போதைப் பொருள் தயாரிக்க பயன்படும் ரசாயனத்தை மிசோரத்தில் உள்ள சில நிறுவனங்களுக்கு அனுப்புகின்றன.

அங்குள்ள சம்பாய் பகுதியில் செயல்படும் கடத்தல் கும்பலைச் சேர்ந்தவர்கள், அதை நம் அண்டை நாடான மியான்மருக்கு கடத்தி செல்கின்றனர்.

அங்கு மெத் ஆம்பெட்டமைன் போதைப் பொருளாக தயாரிக்கப்பட்டு மீண்டும் மிசோரம் வழியாக இந்தியாவுக்கு கொண்டு வரப்படுகிறது.

இதில் தொடர்புடைய இட ங்களில் சோதனை நடத்தப்பட்டு, தொடர்ந்து விசாரணை நடந்து வருகிறது.

இவ்வாறு அவர்கள் கூறினர்.