மத்திய நிதியமைச்சகம், இன்று ஜி.எஸ்.டி., வருவாய் குறித்த புள்ளி விபரங்களை வெளியிட்டது.

அந்த அறிக்கையில் கூறியிருப்பதாவது:

2024-25ம் ஆண்டில், ஜி.எஸ்.டி., இதுவரை இல்லாத அளவுக்கு அதிகபட்சமாக ரூ.22.08 லட்சம் கோடி வருவாய் ஈட்டப்பட்டுள்ளது. இது கடந்த 2023-24ல் ரூ.20.18 லட்சம் கோடியாக இருந்தது. தற்போது கடந்த ஆண்டை காட்டிலும் 9.4 சதவீத வளர்ச்சியை பெற்றுள்ளது.

சராசரி மாதாந்திர வசூல் ரூ.1.84 லட்சம் கோடியாக இருந்தது. ஏப்ரல் 30, 2025 நிலவரப்படி, 1.51 கோடிக்கும் அதிகமான ஜி.எஸ்.டி., பதிவுகள் செயலில் உள்ளன. டெலாய்ட் கணக்கெடுப்பில் பதிலளித்தவர்களில் 85 சதவீதம் பேர் ஜி.எஸ்.டி.,யுடன் நேர்மறையான அனுபவத்தைப் பதிவு செய்துள்ளனர்.

இவ்வாறு அறிக்கையில் கூறப்பட்டுள்ளது.