கடந்த 2023ம் ஆண்டு நகராட்சி மற்றும் ஊராட்சி தேர்தல்களில் 27 சதவீதம் ஓ.பி.சி., பிரிவினருக்கு இடஒதுக்கீடு செய்து குஜராத் மாநில அரசு உத்தரவிட்டது. அதன்பிறகு, முதல்முறையாக, குஜராத்தில் உள்ளாட்சி தேர்தல் நடைபெற்றது. இன்று காலை 7 மணி முதல் மாலை 6 மணி வரை ஓட்டுப்பதிவு நடைபெற்றது.

இந்தத் தேர்தலில் பா.ஜ.,வைச் சேர்ந்த 215 பேர் போட்டியின்றி தேர்வு செய்யப்பட்டனர். நகராட்சியில் 196 இடங்களிலும், மாவட்ட, தாலுகா பஞ்சாயத்துகளில் 10 பேரும், ஜூனாகத் மாநகராட்சியில் 9 கவுன்சிலர்களும் பா.ஜ., சார்பில் தேர்வு செய்யப்பட்டுள்ளனர்.

கடந்த 2021ம் ஆண்டு நடந்த உள்ளாட்சி தேர்தலின் போது, மொத்தம் 8,235 இடங்களில் 237 பேர் போட்டியின்றி தேர்வு செய்யப்பட்டது குறிப்பிடத்தக்கது.