வாரணாசி சென்றுள்ள பிரதமர் மோடி, ஆர்.ஜே.சங்கரா கண் மருத்துவமனையை திறந்து வைத்தார். இந்த விழாவில், கவர்னர் ஆனந்தி பென் படேல், உ.பி., முதல்வர் யோகி ஆதித்யநாத் ஆகியோர் கலந்து கொண்டனர்.

இந்த விழாவில் காஞ்சி காமகோடி பீடாதிபதி சங்கர விஜயேந்திர சரஸ்வதி சுவாமிகள் பேசியதாவது: இதுபோன்ற மருத்துவமனை கோவையில் முதலில் துவக்கப்பட்டது. தற்போது 17வது மருத்துவமனை துவங்கி உள்ளது. ஏற்கனவே, உ.பி.,யின் கான்பூர் மற்றும் வாரணாசியில் இதுபோன்ற மருத்துவமனைகள் உள்ளன. நமக்கு நல்ல தலைவர்கள் கிடைத்து உள்ளனர். சமூகத்தின் ஆளுமையும் முக்கியம். நல்லொழுக்கமுள்ள தலைவர் வேண்டும். அனைவரையும் ஒருங்கிணைக்கும் தலைவர் வேண்டும்.

பிரதமர் மோடியை கடவுள் ஆசிர்வதித்துள்ளார். அவரது அரசு என்டிஏ அரசு(Narendra Damodar Das ka Anushasan (discipline of Narendra Damodar Das).) உலகிலேயே சிறந்த அரசாக இருக்கிறது. அனைவரின் நலனுக்காகவும் மத்திய அரசு சிறந்த பணிகளை செய்து வருகிறது.இவ்வாறு விஜயேந்திர சரஸ்வதி சுவாமிகள் பேசினார்.