பீஹாரில் பெய்த கனமழை காரணமாக ஆறுகளில் வெள்ளப்பெருக்கு ஏற்பட்டு உள்ளது. பல இடங்களில் வெள்ளம் சூழ்ந்துள்ளது. மக்கள் தவித்துவரும் நிலையில் விமானப்படை ஹெலிகாப்டர்கள் மூலம் நிவாரண பொருட்கள் விநியோகிக்கப்படுகின்றன.

அந்த வகையில், 3 பேருடன் சென்ற ஹெலிகாப்டர் ஒன்று வானத்தில் பறந்து கொண்டிருந்த போது இன்ஜின் பழுதடைந்தது. இதனையடுத்து விமானி சமயோசிதமாக செயல்பட்டு அந்த ஹெலிகாப்டரை, முசாபூர் நகரில் வெள்ளநீரில் உடனடியாக தரையிறக்கினார். இதனால், அதில் இருந்த 3 பேரும் அதிர்ஷ்டவசமாக உயிர் தப்பினர்.

ஹெலிகாப்டர் தரையிறங்கியது குறித்து அறிந்த அப்பகுதி மக்கள் அந்த இடத்திற்கு படகில் வந்து அதில் இருந்த நிவாரண பொருட்களை அள்ளிச்சென்றனர்.