டில்லி சாணக்யபுரியில் ஐ.எப்.எஸ்., அதிகாரி ஜிதேந்திர ராவத் வசித்து வந்தார். இவருக்கு வயது 40. இவர் இன்று காலை 6 மணிக்கு மாடியில் இருந்து கீழே குதித்து தற்கொலை செய்து கொண்டார். இது குறித்து போலசார் விசாரணை நடத்தி வருகின்றனர்.

யார் இந்த ஜிதேந்திர ராவத்

* உத்தரகண்ட் மாநிலத்தை பூர்வீகமாக கொண்டவர் ஜிதேந்திர ராவத். இவருக்கு திருமணம் ஆகி இரண்டு குழந்தைகள் உள்ளன.

* இவரது மனைவி மற்றும் குழந்தைகள் டேராடூனில் வசிக்கின்றனர். இவர் சிறிது காலமாக மன அழுத்தத்தால் பாதிக்கப்பட்டு மருத்துவ சிகிச்சை எடுத்து வந்துள்ளார்.

* டில்லியில் தனது தாயார் உடன் ஜிதேந்திர ராவத் வசித்து வந்துள்ளார்.

இது தொடர்பாக போலீசார் கூறியதாவது: அந்த அதிகாரி பல நாட்களாக மன உளைச்சலில் இருந்தார். அவரது விபரீத முடிவிற்கு தெளிவான காரணம் தெரியவில்லை.

அவர் தற்கொலை செய்து கொண்ட தகவல் எங்களுக்கு காலையில் வந்தது. இது குறித்து தீவிர விசாரணை நடத்தி வருகிறோம்' என்றார்.