இந்த நிலையில், பிரதமர் மோடியின் இஸ்ரேல் பயணம், இந்தப் பயணம் இந்தியாவின் வெளியுறவு மற்றும் வர்த்தக நலன்களுக்கு ராஜதந்திர ரீதியாக முக்கியத்துவம் வாய்ந்தது என்று மத்திய அரசு விளக்கமளித்துள்ளது.

இது குறித்து வெளியுறவுச் செயலாளர் விக்ரம் மிஸ்ரி கூறியதாவது; பிரதமர் மோடியின் இந்தப் பயணம் மிகவும் சிறப்பானது. பல துறைகளில் இருதரப்பு ஒத்துழைப்பு வலுப்பெற்றுள்ளது. வர்த்தகம், தொழில்நுட்பம், விவசாயம், பாதுகாப்பு மற்றும் நீர் மேலாண்மை உள்ளிட்ட முக்கிய துறைகளில் இஸ்ரேலுடன் இந்தியாவின் விரிவடைந்து வரும் கூட்டாண்மையை இந்தப் பயணம் உறுதிப்படுத்தியுள்ளது. குறிப்பாக, இருதரப்பு வர்த்தகம் மற்றும் உயர் தொழில்நுட்பத் துறைகளில் ஒத்துழைப்பு தொடர்ந்து அதிகரித்து வருகிறது.

மாறிவரும் உலகப் பொருளாதாரச் சூழலில், வர்த்தக உறவுகளைப் பன்முகப்படுத்துவதிலும், மேற்கு ஆசியாவின் முக்கிய நாடுகளுடன் ஒத்துழைப்பை வலுப்படுத்துவதிலும், மத்திய அரசு தொடர்ந்து கவனம் செலுத்தி வருகிறது, இவ்வாறு அவர் கூறினார்.